ami

(tr)

Havi seksan inklinon al iu, de kiu oni esperas precipe plezuron: ŝi amis volupte la filojn de Asirio (X); ŝi amis k estis amata (Z); ne bela estas amata, sed amata estas bela (Z); mia plej amata (Z).
amori, erotika.

Havi koran inklinon al iu, kies feliĉon oni deziras: kiu amas sian filon, tiu baldaŭ lin punas (X); amu domon novan k amikon malnovan (Z); mi ne amas homojn duvizaĝajn (Z); kiu min amas, amas mian hundon (Z); amu viajn malamikojn (N); Dio tiel amis la mondon, ke Li donis Sian solenaskitan Filon (N); ĉar homoj estos sin amantaj (N); (f) dentoj mordas la langon, tamen ambaŭ sin amas (Z).

Volonte k plezure uzi ion: li postulis tiajn manĝaĵojn, kiujn li plejmulte amis (Z); mi amas vian kuirejon multe pli ol vian religion (Z); kiu amas honoron, amu laboron (Z); plezuron amantaj pli ol Dion (N); la amata peko de ĉiuj artistoj (Z); (f) mono amas kalkulon (Z).
ŝati. [VIDU] plaĉi.

(kun inf. aŭ subprop.) Volonte k plezure fari aŭ sperti agon: mi amas vivi alie ol ĉiuj (Z); ili amas danci (Z), fanfaroni pri sia forto (Z); vi amas preni, amu redoni (Z); ami esti laŭdata (Z); mi ŝerci ne amas (Z); la amaso amas, ke oni donu al ĝi leĝojn (Z); plej multe li amas, ke oni lin bone akceptu (Z).

*teatramanto
Vd teatro.
RIM. 2 'am' estas ordinare uzata suf-e post morfemo, signifanta aĵon aŭ vivulon: bestama, muzikama, gastameco.

*amo

Seksa inklino al iu: la amo de virinoj (X); refreŝiĝu min per pomsuko, ĉar mi estas malsana de amo (X); la amo estas forta kiel la morto (X); nun la trompita amo trovis sian rifuĝejon, la monaĥinejon (Z); li delogis la reĝinon al la plezuroj de malnobla amo (Z); oni ne forgesas facile sian unuan amon (Z); edziĝo pro amo (Z); amafero, amdeklaro, amletero, amsopiro.
amoro. [VIDU] amdonantino, amvendistino.

Simpatia inklino al iu: havi, senti, porti (Z) amon al iu; amo al la proksimulo (Z); neniu havas amon pli grandan ol tio, ke iu demetus sian vivon por siaj amikoj (N).
korinklino, karitato.

Tre forta emo al io: la amo al la kartludo lin plene ruinigis; edziĝo pro amo flamanta al sako sonanta (Z); morti pro amo al la libereco, al la paso.

ama
Rilata al amo: amaj rilatoj; ama frenezo; krii siajn amajn plendojn al la eĥo (Z); ame rigardadi, flegi, prizorgi; eĉ monstron admiras, kiu ame deliras (Z).

amaĵo (Z)
Afero, interrilato de seksa amo.

amaĵisto, amaĵistino
(ark.) Tiu, kiu sekse amas, precipe ekster edzoligo; amorant (in)o: ĉu ŝi preferas vidi min morti aŭ fariĝi la amaĵistino de la princo? (Z).

amanto

Tiu, kiu sekse amas: kiel virino, kiu perfidis sian amanton (X); la privilegioj, kiujn havas la edzoj, estas teruraj por amanto, kiu vere amas (Z); mi havigis al mi multajn amantinojn (X).

Tiu, al kiu io estas plaĉa aŭ kara: vi ne estas amanto de cigaredoj (Z); eĉ por pomo putranta troviĝas amanto (Z); la amantoj de la libereco.
amatoro.

amataĵo
La preferata okupo, afero: interrilatoj kun la popolo de Dio ĝenerale ne estas mia amataĵo (Z).

amat (in)o
La amata persono: venu mia amato en sian ĝardenon k manĝu ĝiajn multevalorajn fruktojn! (X); via tutaĵo estas bela, mia amatino! (X).

amegi (Z)
Pasie ami.
adori.

amema
Inklina al amo pro kora aŭ korpa moleco.
tenera.

aminda

Meritanta amon: eĉ en la plej mizera kriplaĵo povas brili granda, aminda animo (Z); ĉio estas aminda en ŝi.

Agrabla pro aspekto aŭ konduto: kia aminda infano!
ĉarma, linda, plaĉa.

*amindumi (tr)
Peni plaĉi al iu persono, precipe pro seksaj celoj: mi loĝas ĉe la urbestro, amindumas senlime lian edzinon k filinon (Z); tio estis tre romantika amindumado.
flirti, koketi.

amisto

Amoranto: via nudeco estis malkovrata al viaj amistoj (X).

Amindumanto: la amistoj altrudas sin nur tiam, kiam oni tion akceptas (Z).
galantulo.

ekami
Eksenti amon: juna oficisto ekamis la belan fraŭlinon (Z); sankta k pura, kiel unua ekamo (G).

enamiĝi
Eksenti fervoran amon por iu: oni diras al mi, ke vi enamiĝis en min (Z); mi efektive enamiĝis je la bela statuo, kiu ricevis vivon en miaj brakoj (Z); adiaŭ, sovaĝa belulino! La vorto montras enamiĝon! (Z).
RIM. 1 Estas preferinde uzi post tiu verbo la prep. 'al'.

geamantoj
Paro da homoj amantaj unu la alian: geamantoj sin pikas (Z).

*malami

Havi kontraŭ iu tian senton, ke oni deziras al tiu malbonon: li morte malamis sian ofendinton; ili min malamu, se nur ili min timas!; sanktfigurojn ornamas k homojn malamas (Z); se iu venas al mi, k ne malamas sian patron k sian patrinon [...], li ne povas esti mia disĉiplo (N); malriĉulo estas malamata eĉ de sia proksimulo (X); mi ne ripozas, antaŭ ol mi ambaŭ miajn malamatojn metos sub la teron! (Z)

Forte malinklini al io: mi malamas societon de malbonfarantoj (X), malvirton (X); sed kion mi malamas, tion mi faras (N); kiel ne malami militon?; tro multaj estas la kisoj de malamanto (X).
abomeni, antipatii. [VIDU] naŭzi.

*malamo
Sento de tiu, kiu malamas: perforta amo estas plej forta malamo (Z); ho kiel malfeliĉa por nia afero estas la reciproka malamo inter ĝiaj ĉefaj batalantoj! (Z).

*malaminda
Meritanta malamon: ŝi fariĝis tiel malaminda, ke ŝia propra patrino ŝin forpelis de si (Z).

senama (Z)
Ne montranta, ne entenanta amon.
malvarma.

memamo
Amo al si mem.

sinamo
Egoismo.

gastama
kc Vd gasto.

homamo
ĝenerala amo al niaj kunhomoj: mi pro kristana homamo volas, ke [...] (Z).

homama
Montranta aŭ sentanta homamon: 'Inter Blinduloj' estas grava k homama verko (Z); (ironie) klarigo, kiun ŝi aŭskultis tre homame (Z) (virame).

hommalamo
ĝenerala malamo al ĉiuj homoj: ĉiujn idealojn gente-naciajn mi rigardas nur kiel grupan egoismon k hommalamon (Z).
mizantropeco.

Esprimoj

Akordiĝi kun iu.
Alkroĉiĝi al ŝi kiel lapo.
Allasi sin al drinkado.
Ama bileto, frenezo, rilato(j), ekstazo.
Ame rigardi, flegi, prizorgi.
Ami danci, promeni, ŝerci, fanfaroni.
Ami filon, amikon, hundon, kafon, liton, honoron, laboron, ĝuon, la novon.
Ami plej kore, el la tuta koro, fajre.
Amike rilati kun iu.
Amo : al la paco, la libereco, la proksimulo.
Amu unu la alian.
Amu vian proksimulon kiel vin mem.
Ankaŭ ŝi ne estas indiferenta kontraŭ mi.
Bele tornita knabino.
Blindigita de pasio.
Boli de pasio.
Doni, ricevi kison.
Eksteredza kunvivado.
Enamiĝinta ĝis la oreloj.
Esti inda je.
Esti je genuoj de virino (ŝia sklavo).
Fajro ŝprucas el ŝiaj ardaj okuloj.
Fali en la okulojn.
Fari al iu la amajn okuletojn.
Fari deklaron (konfesi sian amon) al dezirinda, fascinanta belulino.
Fari el iu amuzaĵon.
Fari la amajn okulojn.
Favorigi iun al si.
Flamiĝi, bruli, ardi pro (de) amo (dezirego) al (por) iu.
Flustri dolĉaĵojn al koketulino.
For de la okuloj, for de la koro.
Gajni al si la mimikecon de iu.
Havi idealan, dian belecon.
Havi ies favoron.
Havi plezuron.
Havi por iu grandan simpation.
Kapti la atenton.
Kiom multe mi farus por viaj belaj okuloj.
Konfesi sian amon al iu.
Konscii sian belecon.
Korinklini al iu.
Korligiĝi al iu.
Kovri iun per kisoj.
La amo estas blinda.
La amo estas tiel forta kiel la morto.
La bela sekso.
La viroj ne havas konstantecon (en amo).
Li amis kaj estis amata.
Li ne atentas la ĉarmojn de virinoj.
Li ĉiam alvenas malfrue ĉe la rendevuoj.
Li ĵuradis per la ĉielo kaj la tero, ke li amos ĝis la morto.
Ludi amon kun ies edzino.
Nekompareble bela.
Novaj, ĝis nun ne konataj pensoj atakis la kapon de la juna virino.
Okulumi kun iu.
Oni ne facile forgesas sian unuan amon.
Paroli pri si mem.
Per komuna akordiĝo.
Plej bone rilati kun.
Pli ol bela : belega.
Rompi kun sia amatino.
Senbrida pasio.
Sensaj rilatoj.
Senti inklinon por iu.
Sinki en drinkadon.
Tiu juna homo estas furioze enamiĝinta en vin.
Unuavide enamiĝi al iu.
Virino tiel bela, kiel povis krei nur la naturo.

Ĉio estas aminda en ŝi
Ĉiu "li" havas sian "ŝi"
Ĵeti sur iun avidan rigardon, okulon de deziro.
Ŝi estis tute alia, ol kiel li ŝin imagis al si.
Ŝi unuigis en si la ĉarmon kaj la saĝon.
Ŝiaj okuloj spegulis sian amon.
Ŝteli kison.
Ankaŭ ŝi ne estas indiferenta kontraŭ mi.

Kelkaj kunmetaĵoj

ama, amanto, amat(in)o, amataĵo, amaĵistino, amaĵisto, amaĵo, amegi, amema, ami, amimpliko, aminda, amindumi, amisto, amkunveno, amo, amsopira, amtrinkaĵo, amturniro, amvendistino, ekami, enamiĝi, gastama, gastama, gastameco, gastamo, geamantoj, glorama, gloramo, hejmama, homama, homamo, homamo, hommalamo, malami, malaminda, malamo, memamo, negastama, opiniamo, plezurama, profitama, senama, sensama, sinamo, teatramanto, verama, vidama, voluptama, ĝuamo

ami

(tr)

Esprimoj

Kelkaj kunmetaĵoj

El la malnova greka: φιλεω (mi amas)

Vortoj uzitaj en la sama ĉirkaŭkunteksto

Ankaŭ vidu:

Iel rilatitaj: