fidela

*fidel/a

Plenumanta kun konstanta akurateco kaj sindoneco la faritajn promesojn, ne trompanta la konfidon: fidela servisto (B), disĉiplo, edzino, partiano, hundo (Z), sendito (Z); amiko fidela estas trezoro plej bela (Z); fidela al siaj kolegoj, al siaj principoj; fidela estas Dio (N).
lojala, fidinda, sindona.

Tenanta sian kredon malgraŭ la malfaciloj: mi starigos por mi pastron fidelan (N); vi trovis lian koron fidela antaŭ vi (N); venkos tiuj, kiuj estas vokitaj, elektitaj kaj fidelaj (N); kiamaniere la fidela urbo fariĝis malĉastulino! (X).

Konforma al originalo aŭ al vero, ekzakta: fidela traduko (B), rakonto, raporto, memoro, bildo, portreto.

fidele
En fidela maniero: stari fidele ĉe siaj principoj; fidele ripeti la komisiitajn vortojn; mian religion mi plenumadis fidele (Z).

fideli
Konduti fidele.

fidelaĵo
Ago, parolo de fidela homo: fari fidelaĵon al iu (Z).

fideleco
Eco de iu, io fidela: konservi fidelecon al iu (Z); ni ĵuras al vi fidelecon kaj obeadon ĝis la morto (Z); la ringo, garantiaĵo de via fideleco (Z); fideleco de raporto, de traduko; fideleco de telekomunika transsendo; ricevilo, magnetofono de alta fideleco.

fidelulo

Persono fidela: ne fidu fidelulon, fidu propran okulon (Z); li kunvokis siajn fidelulojn; ho ve, ke vi ne sekvis la konsilon de fidelulo! (Z).

Fidela kredanto: miaj okuloj estas turnataj al la fideluloj (X); muezino alvokas la fidelulojn al la preĝo.

malfidela

Ne plenumanta siajn promesojn: la malfidela servisto (N); ĉu vi ankoraŭ dubas pri lia malfideleco?; malfidelulo, kie estas viaj ĵuroj? (Z); la kondukantoj de la E-ista movado neniam malfideliĝos al nia armeo (Z).
apostato, perfida.

Ne konforma al la vero, al la originalo: malfidela traduko, interpreto.

Jen la fidela bildo de mia situacio.
Ĵuru al mi per Dio, ke vi ne agas malfidele.
Persisti, stari fidele ĉe siaj principoj.
Resti fidela al siaj principoj.
Si ne estis sufiĉe bona aktorino, por konvinki la edzon pri sia fideleco.

fidela : kiu ĉiam helpas kaj defendas sian amikon; kiu neniam agas kontraŭ tiu aŭ tio; precize konforma.
Malestime, abrupte, malfidele turni la dorson al iu.
malfidela memoro.

aktoro. ami. bona. ĉiam. digno. edzo. estimi. falsi. fidi. forgesi. hundo. konstanta. preciza. principo. promesi. stari.

Iel rilatitaj:

aktorx amx bonx dignx edzx estimx falsx fidx forgesx hundx konstantx memorx precizx preĝx principx promesx spegulx starx ĉiam