opinii

*opini/i (tr)

Kredi, ke iu aŭ io estas ia; sen objektiva pruvo rigardi iun aŭ ion kiel havantan ian econ: ĉiu opiniis siajn idojn la plej belaj (Z); ĉu vi opinias min kapabla por tiu malbonaĵo? (Z); ne opiniu vin saĝa (Z); ŝi opiniis sin ankoraŭ pli nobla (Z); ŝi opiniis nekonvena respondi pri tio (Z); la princo opiniis, ke tute ne povas esti alie (Z); figuroj, el kiuj kelkajn, kiel ŝi opiniis, ŝi rekonis (Z); ŝi estis opiniata brava kaj honesta (Z); ili estis opiniataj fidindaj (X); la publiko kutimas opiniadi ĉiun atakanton bravulo kaj ĉiun atakaton kulpulo (Z).

opinio

Maniero pensi aŭ juĝi, bazita ne sur scienca aŭ filozofia rezonado, sed sur propraj personaj konsideroj: en ĉiu kranio regas aparta opinio (Z); mia opinio estas: Prenu mem akvon! (Z); propra opinio ne estas leĝo por alia (Z); tiu opinio tamen post pli atenta pripenso montriĝas al ĉiu kiel bela sofismo (Z); ŝanĝi sian opinion pri iu; laŭ mia opinio (Z) (ŝajnas al mi); mi restas nun ĉe tiu sama opinio, kiun mi esprimis (Z); mia persona opinio estas, ke nia respondo devas esti la plej kategoria (Z); arte fabrikita opinio (Z).

Vidpunkto aŭ pritakso, kiun esprimas konsultita persono aŭ organizo kiel kontribuon al justica, leĝodona aŭ administra proceduro: opinio de ekspertizisto, de arbitracianto; opinio de parlamenta komisiono; motivita opinio; la Internacia Kortumo donas konsultajn opiniojn responde al demandoj de la organoj de UN.

opiniamo
Alteniĝo al siaj opinioj: se ĉiu aparte volus ĝin el pura persona opiniamo ŝiri laŭ sia plaĉo [...] (Z).

jesopinia
Havanta jesan opinion: krom escepto de unu, ili ĉiuj estis jesopiniaj pri tio (Z).

popolopinio, publikopinio
Opinio, ĝenerale kredata de la publiko, de la popolamaso: fronti, malŝati, gvidi, manovri la popolopinion; la gazetaro estas supozata esprimi la publikopinion. [VIDU] opinisondo.

samopinii (ntr)
Havi saman opinion: li samopinias kiel mi en ĉiuj aferoj.

opinii

Esprimoj

Adopti opinion.
Aŭdi plej diversajn opinioj.
Diri libere sian opinion.
Diskonigi sian opinion per la kanalo de la revuo.
Diversaj fluoj de opinioj.
En ĉiu kranio estas sia opinio.
Entute konsenti kun.
Estas abismo inter tiuj du opinioj.
Estis konvenite ke.
Ili akordas kiel akvo kaj fajro.
Kolekti la opiniojn de la amikoj.
Konfirmiĝis la opinio, ke...
La fluktuado, la diverseco de la opinioj.
La opinio de la publiko estas indiferenta por multaj artistoj.
La opinioj ŝajnas kristaliĝi al unueca solvo de la problemo.
La publiko, kutimanta opiniadi ĉiun atakanton bravulo kaj ĉiun atakaton kulpulo.
Laŭ mia opinio vi estas malprava.
Li multe suferis pro siaj opinioj.
Lia opinio ne multe pezas en la pesilo.
Mi havas alian opinion, sed ne volas enŝovi min kun mia opinio.
Mi opinias tute same kiel vi, tute malsame (alie) ol vi.
Mi pensas, do mi estas.
Mia opinio baziĝas sur 19-jara sperto.
Opinio persona, komuna, populara, tre prudenta, ortodoksa, ne konforma, rekte kontraŭa al, arte fabrikita, bazita sur, fundamentita.
Opinion formuli, gardi, konservi, ŝanĝi, revizii, bazi sur (realaĵo).
Opona opinio.
Post la diskuto, la opinioj ankoraŭ pli diverĝis.
Pri tio, ĉies opinioj konsentas.
Sanĝi sian opinion, sub la influo de antaŭkongresa agitado.
Sin apogi sur ies opinio.
Tiu artikolo ne spegulas la opinion de la redakcio.
Tiu propono estas laŭ mia opinio tre prudenta.
Vera opinio montriĝas en ebrio (En ebrio estas vero).
Ĉu vi opinias min kapabla por tia malnobla ago ?
Ŝi estas virino pli malfeliĉa, ol kiom mi opiniis.

Kelkaj kunmetaĵoj

, , , , , , (ad)o, , malliberulo, , opinio, opinii,opinio,

opinii

*opini/i (tr)

opinii

Esprimoj

Kelkaj kunmetaĵoj

Vortoj uzitaj en la sama ĉirkaŭkunteksto

Ankaŭ vidu:

Iel rilatitaj: