disputi

Malpaci, akre diskutante: disputu komence, vi ne malpacos en fino (Z); disputi kun iu pri io.
konflikti, kvereli.

(ark.) Diskuti: pri gustoj oni disputi ne devas (Z); mi deziras disputi kun Dio (X); disputu pri ĉio, sed sen garantio (Z) (atingi la veron); la kunvenintoj varmege disputadis pri tio ĉi (la lokigo de 'min') tutan vesperon (Z).

disputo

Ago de disputantoj: pacienculo kvietigas disputon (X); disputoj kondukas al malpaco (Z); la loto ĉesigis la disputojn (Z); sin miksi en malpropran disputon (Z).

(ark.) Diskuto: disputo kredigas, sed ne certigas (Z); por meti finon al ĉiuj malkompreniĝoj k disputoj, mi decidis nun eldoni (la Fundamenton) (Z).

disputema
Facile disputanta: disputema pledanto.

nedisputebla
Nediskutebla, nekontestebla: havi nedisputeblan aŭtoritaton (Z).

pridisputi (tr)
Interdisputi pri la posedo de io: ili pridisputis la unuan lokon.

sendispute
Unuanime, ne disputante.