materialo

*material/o

1. ĉia materia substanco, el kiu la homa laboro produktas ion, aŭ al kiu ĝi donas apartan formon: krudaj materialoj (el kiuj oni fabrikas la duonfabrikaĵojn aŭ la pretajn produktojn); ligno estas bona brula materialo (Z); el kiu materialo vi volas fari tiun statuon? (Z); el tiuj ĉi simplaj materialoj (tritiko, legomoj, fruktoj), mia edzino preparas manĝojn (Z); butiko de manĝmaterialoj (Z); (f) vi ne estas vera Dano, kiel ni ĉiuj: ni estas ankoraŭ el malnova materialo (Z).
   ŝtofo.

2. Tuto de la objektoj, iloj ks necesaj por ago, laboro: ĉiuj materialoj de ŝia estonta laboro, la libro, papero, plumo kuŝis antaŭ ŝi (Z); ni prirabis magazenon kaj ni alportas materialon (vestojn) por 50 el ni (Z); aĉeti materialon por sia presejo; [ARMEOJ] la homa materialo; perdo de materialo.
   ilaro, aparataro, maŝinaro.

3. (f) Tuto de la scioj, necesaj por verki, redakti, fari mensan laboron: la lingvo E. [...] estas fondita sur la internacia materialo, kiun ellaboris al si la civilizita mondo mem (Z); la libro prezentos sufiĉe da materialo por legi (Z); ĉio, kion vi ektuŝas donas al vi materialon por historio Z); ĉerpi materialon en ies verko (B); (f) tio donis materialon por meditado (Z), pripensado (Z); ĝi donos al ni multe da materialo por gajeco (Z).