pordo

*pord/o

Libera spaco aranĝita en muro de urbo, konstruaĵo aŭ ĉambro, por en- kaj el-iri: ĉe ia eniro tra la pordoj (X); aĉeti sian bileton ĉe la pordo de la teatro; komenciĝis mizero, ĝi venas per pordo kaj fenestroj (Z); en bona ordo tra la pordo! (Z).

Ligna aŭ fera klapego, kiu fermas tiun spacon kaj povas duonturniĝi por ebligi la trairon: dika tabulega pordo (Z); unuklapa, duklapa pordo; vitra, krada pordo; fermi, ŝlosi pordon; ŝi malfermis la flankan pordon, kiu kondukis en ŝian ĉambron (Z); duone malfermita pordo (Z); ora ŝlosilo ĉiun pordon malfermas (Z); frapi je la pordo (Z); oni rompis poton je la pordo (Z); pordo de aŭto, de vagono; (analoge) la pordoj de ŝranko, de forno; (f) frapi je ies pordo (peti de tiu persono helpon); lasi malfermita la pordon por novaj traktatoj; sieĝi ies pordon (Z); neniam povus malfermiĝi por ŝi la pordo de favorkoreco (Z). [VIDU] pordferme.

[ANATOMIO] Loko, kie la vaskuloj k.a. eniras en la hepaton: hepata pordo (porta hepatis).

porda

Rilata al pordo (j).

[ANATOMIO] Rilata al la hepata pordo: porda vejno (V. portae, kiu kolektas al la hepato la sangon de la diversaj digestaj organoj).
pileo.

*pordego

ĉefa pordo de domo, tra kiu eniras la veturiloj: kun bruo oni malfermis la pordegon, kaj la kaleŝo enveturis la korton (Z).

Granda pordo de fortikigita urbo: la gardostaranto ĉe la pordego (Z); la poŝta kaleŝo haltis antaŭ la urba pordego (Z); ŝia edzo estas konata ĉe la pordego, kie li sidas kune kun la maljunuloj de la lando (X); (f) ĉu malfermiĝis antaŭ vi la pordego de la morto? (X).

En Oriento, tia pordego, rigardata kiel simbolo de la urbo aŭ lando mem: Judujo funebras, ĝiaj pordegoj malĝoje nigriĝis (X); pordegoj de Hades ne superfortos ĝin (N) (mian eklezion); la Plejalta Pordego (malnova nomo de la turka registaro).

pordeto
Malgranda pordo, ofte aranĝita en pli granda: ŝi enkuris en la pordegon kaj forte ĵetfermis post si la pordeton (Z); pordeto de stalo, de giĉeto.

pordisto
Homo, kies okupo estas gardi domon, kontrolante la enirantojn, donante informojn pri la loĝantoj ktp: aperis galonita pordisto (Z); ŝi renkontis la pordiston, kiu portis faskon da ligno al unu el la loĝejoj (Z); pordisto de preĝejo; pordistejo; pordistedzino (Z).

antaŭpordo
Porĉo.

ĉefpordo
La pordo, kiu kondukas al la domparto destinita al la vizitantoj.

fenestropordo
Fenestro, kies klapoj atingas ĝis la planko kaj tra kiu oni povas en- aŭ el-iri.

ferdekpordo
[ŜIPOJ] Aperturo en ferdeko, tra kiu oni enmetas pakaĵojn en holdojn, aŭ pordo, kiu kondukas de la ferdeko al la internaĵo de la ŝipo.

fulgopordeto
Pordeto, malfermebla ĉe la bazo de fumtubo, kamentubo ks, por ebligi forprenon de la fulgo.

klappordo
Horizontala pordo en planko aŭ plafono.

kluzpord (et)o
Vd kluzo.

latispordo
Pordo, kies kadro entenas latison.

stratpordo
Pordo, kiu kondukas el la domo rekte en la straton.

svingpordo
Risorta pordo, kiun oni povas malfermi de ambaŭ flankoj, kaj kiu mem refermiĝas, sed ne ŝlosiĝas.

ŝovpordo
Pordo, kies plataĵo ŝoviĝas sur reloj, paralele al la muro.
husumo.

pordo

Esprimoj

Balai antaŭ sia pordo (Z).
Ekbruis la fermata pordo.
Elĵetita tra la pordo, li revenas tra la fenestro.
Eniri pordpuŝe, kune kun la pordo.
Forpeli iun tra la pordo.
Frapfermi la pordon antaŭ ies nazo.
Frapi je ies pordo por peti helpon.
Frapu kaj estos malfermita al vi.
Homoj pri kiuj ni ne scias, de kie ili estas.
Hundo gardanta du pordojn restos malsata (oni ne povas servi du mastrojn samtempe).
Kiu frapas, al tiu oni malfermas (Z) (la pordon).
Komenciĝis mizero, ĝi venas per pordo k fenestroj (Z).
La ŝlosado de la pordo estis komandata de ekstere (per elektra cirkvito).
Malfermi la pordon en plena larĝo.
Ora ŝlosilo ĉiun pordon malfermas (Z).
Pasu do tra la fenestro, se la pordo estas fermita!.
Pelu mizeron tra l' pordo, ĝi revenos tra l' fenestro (Z).
Pordo kondukanta el la ĉambro en la ĝardenon, donanta aliron al la strato.
Puŝi la pordon per piedoj.
Respondi la pordon.
Se ĉiu balaos antaŭ sia pordo, tiam en la tuta urbo estos ordo (Z).
Sonorigi ĉe ies pordo.
Sukcesa venkanto de pordoj malfermitaj (Z).

pordo

*pord/o

pordo

Esprimoj

Kelkaj kunmetaĵoj

Parto de

Vortoj uzitaj en la sama ĉirkaŭkunteksto

Ankaŭ vidu:

Iel rilatitaj: