parto

*part/o¹

Io, kio povas esti facile apartigita de tuto aŭ per penso, aŭ per vido, aŭ per efektiva disigo: la kvin partoj de la mondo; la diversaj partoj de la korpo; la honta parto (Z) (peniso); li kondukos la kaptitajn egiptojn kun nudaj hontaj partoj malhonore (X); ĉi tiu en tri partojn ĝuste egalajn ĉion do dividis (K); ŝiru vin en du partojn, la mondo trian postulos (Z); por parton da homoj liberigi de unu facila regulo, devigi multe pli grandan parton da aliaj homoj lerni multajn regulojn (Z); (f) institucioj, kiuj ne alportas eĉ milan (milonan) parton de la utilo, kiun ni atendas de nia afero (Z); en ĉiu translokiĝo estas parto de ruiniĝo (Z).
era, fragmento, peco, pago, elemento, divido. [VIDU] partopreni.

Io, kion iu rajtas postuli el tuto, kiun oni dividas inter pluraj personoj: al ĉiu frato lian parton (Z); malgranda estas lia parto sur la tero (X); mia parto estas la Eternulo (X).
ono, porcio, heredaĵo, kontingento. [VIDU] partopreni.

[MUZIKO] Tiu peco el komponaĵo, destinita al unu speciala voĉo aŭ instrumento.

parta
Estanta nur parto de tuto: parta pago de ŝuldo (B); parta eklipso.

parte

Ne tute, ne plene: la urbo estis parte detruita; la homaranismo redonas al ili, almenaŭ parte tion, kion ili perdis (Z).

Kiel unu el pluraj kaŭzoj, klarigoj: pro la nunaj cirkonstancoj [...] kaj parte ankaŭ pro la stato de mia sano (Z); li agis parte laŭ mia konsilo, parte el propra iniciato.

partaĵo
Parto de teksto: podio, sur kiu estas voĉlegataj la partaĵoj el la Biblio (Z).

parteto
Malgranda parto: partetoj el pano; (f) kvazaŭ en ĉi tiu momento forfalus parteto de sia persona kaj homa indeco (Z); kun ĉiu sekundo malaperos parteto da energio (Z).

partigi
Dividi en partojn: partigi la laboron (B); partigo de la insulo inter la du aligentaj loĝantaroj.

partiĝo
Statŝanĝo de io, kio estiĝas en partojn: la partiĝo de la kromosomoj ĉe la ĉeldivido.

kontraŭparto
Parto, kiu troviĝas kontraŭ alia, kaj iel respondas aŭ ekvilibrigas ĝin.

dispartigi
Disigi en partojn: dispartigitaj dozoj; dispartigo de la telegrafe transsendata bildo en liniojn kaj punktojn; en la anteno la elektromagnetaj ondoj dispartiĝas el la polusduopo.

plejparte (Z)
En la pli granda nombro de la partoj, okazoj; por la pli granda parto de la homoj, interesatoj ks.

plejparto
Plej granda parto, plimulto: plejparto de la publiko (Z).

dorsoparto
Tiu parto de seĝo, kie apogiĝas la dorso.

gardoparto (X)
Daŭro de garda deĵoro.

kapoparto
Tiu parto de lito, kie kuŝas la kapo: la protekta spirito staris ĉe la kapoparto de la lito (Z).

piedparto
Tiu parto de lito, kie troviĝas ordinare la piedoj: malkovru la piedparton de la kuŝejo (X).

tempopartigo
[KOMPUTIKO] Reĝimo de komputilo, en kiu la komputilo konstante ŝaltadas sin inter pluraj taskoj kun la efiko, ke ili ŝajnas plenumiĝi samtempe.

tempopartiga
Aplikanta tempopartigon, aŭ rilata al tempopartigo: tempopartiga mastruma sistemo.

terparto
Kontinento.

tranĉparto
Parto de libro, kie la folioj estis samnivele tranĉitaj por bindado: libroj en marokenaj bindoj kaj kun oraj tranĉpartoj (Z).

part/o²
[HISTORIO] Ano de iama skita popolo, kiu fondis en Irano potencan imperion (3a jc).

parto

Esprimoj

Eklipso de suno (parta, totala, ringa).
Elekti la pli facilan parton, flankon de la laboro.
Kapa parto de la lito.
La surfundaĵo de la loĝantaro (plej malestiminda parto).
Postuli, depostuli sian parton de heredaĵo.
Suplemento ne abonebla, aparte abonebla.

Kelkaj kunmetaĵoj

dispartigi,dispartigo, dorsoparto,dupartiga serĉo, entjera parto, frakcia parto, frazparto, gardopoarto, imaginara parto, kapoparto, kontraŭparto, mondoparto,ne partoprenanta,neapartigebla,ora dispartigo,parta,parta derivaĵo,parta sumo,partaĵo,parteto,partigi,partiĝo,partopage,partopago,partopren(ad)o,partopreni,partoprenigi,partuma parto,partumo, piedparto,plejparte,plejparto, reela parto, tempopartigo, terparto, tranĉoparto

parto

*part/o¹

parto

Esprimoj

Kelkaj kunmetaĵoj

Vortoj uzitaj en la sama ĉirkaŭkunteksto

Ankaŭ vidu:

Iel rilatitaj: