osto

*ost/o

[ANATOMIO] Malmola organo de la vertebruloj, precipe konsistanta el konektivo (osta histo) riĉa je kalciaj saloj, kaj kiu estas elemento de la skeleto: femurosto, nazosto; fluto, kiun li eltranĉis el ŝafa osto (Z); rompi al si la oston de la femuro; per ostoj kaj tendenoj Vi min plektis (X); ilia haŭto alpendiĝis al iliaj ostoj (X) (pro malsatego); li ne faros maljunajn ostojn (li frutempe mortos); (aparte, tiuj pecoj restantaj post la putrado) oni elĵetos el iliaj tomboj la ostojn de la reĝoj (X).

[ANATOMIO] Substanco de osto 1, konsistanta el kolagenaj fibroj ĉirkaŭitaj de mukopolisakaridoj impregnitaj de kalciaj saloj: ĵetkuboj, bidoj el osto. SIN. ostosubstanco

Tiu parto de la homa korpo, rigardata kiel la plej fortika kaj intima: jen estas li proprakorpe kun karno kaj ostoj (Z); kaj la homo diris: Jen nun ŝi estas osto el miaj ostoj kaj karno el mia karno (X); ĉiuj miaj ostoj eksentis timon (X); malsekigita ĝis la ostoj.

[KUIRARTO] Tiu parto, rigardata kiel kuiraĵo: oston ili ne rompu en ĝi (X) (la Paska ŝafido: tabuo de la medolo); por malfrua gasto restas nur osto (Z); li havis viandon, mi havis nur oston (Z); osto de disputo (inter hundoj; f); ĝi fariĝis por mi osto en la gorĝo (Z) (ĝenaĵo ne eliminebla).

osta

Rilata al ostoj: osta malsano, rompitaĵo; osta histo (konsistanta el ostaj ĉeloj kaj ostosubstanco).

Konsistanta el osto: ostaj kastanjetoj; osta gluo, karbo, oleo, nigro.

Kovrita de malmulto da karno: lamulino kaptis min per osta mano (Z); kava, osta vizaĝo.

ostaro
La skeleto, rigardata kiel la ĉarpentaĵo de la korpo.

osteca
Prezentanta la aspekton de osto (j): osteca plasto; ostecaj fingroj.

ostejo
[ARKITEKTURO] Konstruo, kie oni amaskonservis la ostojn de mortintoj, por liberigi lokojn en la tombejo.

ostero
Splito de rompita osto.

osteto

Malgranda osto: la orelaj ostetoj.

Ludostoj.

ostiĝi
Iĝi osto (pp kartilagaj histoj aŭ konektivoj).

ostito
[MEDICINO] Inflamo de osta histo.
osto medolito.

ostalgio
[MEDICINO] Ostaj doloroj.

ostektomio
[MEDICINO] Kirurgia fortranĉo de osto.

ostogena
[BIOLOGIO] Produktanta oston.

ostogenezo
[BIOLOGIO] Formiĝo kaj evoluo de la osta histo.

ostino (ark.)
[BIOLOGIO] [KEMIO] Proteina parto de la ostosubstanco.

ostologio
La parto de la anatomio, koncernanta la ostojn.

ostomo
[MEDICINO] Tumoro el osta histo.

ostpatio
[MEDICINO] ĉiu osta afekcio.

ostosubstanco
Osto 2.

ostotomio
[MEDICINO] Kirurgia tranĉo de osto.

ĝisostulo
ŝerca alnomo de iu severe fidela al iu doktrino ks, i.a. de E-isto plej fidela al la Fundamento kaj al Zamenhof.

*balenosto
Barto.

elefantosto = eburo.

fiŝosto
Osto de fiŝo, ofte maldika, fleksebla kaj pinta.

ludostoj

(Z) ĵetkuboj.

Ostetoj, el ŝafa piedo, kiujn oni ĵetas supren kaj penas kolekti; kiel eble plej multajn, sur la mandorson.

ŝlosilosto
Klaviklo.

vangosto
Zigomo.

osto

Esprimoj

Kolo de la femurosto.
Kun karno kaj ostoj (=mem, persone).
Li ne faros maljunaj ostoj.
Li rompis al si ripon.
Malsekigita ĝis la ostoj.

Kelkaj kunmetaĵoj

balenosto, brustosto, elefantosto, femurosta, femurosto, fiŝosto, fruntosto, interparietosto, koksosto, larmosto, ludostoj, nazosto, okcipitosto, osta, ostalgio, ostaro, osteca, ostejo, ostektomio, ostero, osteto, ostito, ostiĝi, osto, ostocerbo, ostofiŝoj, ostogena, ostogenezo, ostokarbo, ostologio, ostomedolito, ostopatio, ostosubstanco, ostotomio, palatosto, parietosto, periosto, pubosto, sinosto, tempiosto, timpanosto, ungosto, vangosto, vangosto, ĝisostulo, ŝlosilosto

osto

*ost/o

osto

Esprimoj

Kelkaj kunmetaĵoj

El la malnova greka: ὀστεον (osto)

ostoj

Vortoj uzitaj en la sama ĉirkaŭkunteksto

Iel rilatitaj: