[ZOOLOGIO] Mamulo (Canis lupus familiaris) el la subordo de rabobestoj, g. kaniso, tre inteligenta kaj fidela, kaj tial uzata kiel dombesto, ĉefe por gardado kaj ĉe ĉasado; multaj rasoj: libera, ĉenita (Z) hundo; ellasi la hundojn; hundo bojas, jelpas, hojlas, hurlas; hundo gardanta du pordojn restos malsata (oni ne povas servi du mastrojn samtempe); bojas hundo sen puno eĉ kontraŭ la suno (oni rajtas kritiki eĉ tiujn, kiuj opinias sin nekritikendaj); oni lin konas kiel makulharan hundon (Z) ( [VIDU] lupo); hundo bonrasa estas bona por ĉaso (Z) (oni havas la kvalitojn aŭ la mankojn de siaj parencoj aŭ avoj); mordantaj hundoj kuras ĉiam kun vundoj (Z) (malpaculon ĉiu batas); bojanta hundo ne mordas (Z) (kiu multe minacas, ne estas la plej danĝera); ne timu hundon bojantan, timu hundon silentan (Z) (same); por hundon dronigi, oni nomas ĝin rabia (Z) (oni ĉiam trovas pretekston por malutili malamaton).
hunda
Rilata al hundo: hunda raso; hunda fideleco; (f) hunda vivo (Z) (mizera).
hundaĉo
Malbela hundo.
hundaĵo
[KUIRARTO] Preparita hundoviando por manĝi.
hundaro
La tuto de hundoj, tenata en unu loko aŭ por unu celo: doma hundaro (Z); hundaro de cervoĉasisto.
hundejo
ĉirkaŭfermita loko, stalo, en kiu oni tenas hundojn: (f) dando el la reĝa hundejo (Z).
hundeto
Malgranda hundo.
hundido
Juna hundo.
hundino
Ino de hundo.
hundujo
Dometo, en kiu oni tenas gardohundon dumtage.
virhundo
Virseksa hundo.
ĉashundo
Hundo, dresita por ĉaso.
ĉenhundo (Z)
Hundo, dresita por gardi ekstere domon.
danhundo
Granda hundo kun nigraj makuloj.
fajrohundo
Feraj stangoj, prezentantaj ordinare kapojn de hundo aŭ aliaj bestoj ĉe la ekstremaĵo, kaj servantaj por teni la ŝtipojn amase en fajrujo.
halthundo
ĉashundo, dresita por halti, tuj kiam ĝi elflaras ĉasotaĵon.
korthundo (Z)
Gardohundo, tenata en domkorto.
leporhundo
Raso de grandaj, rapidkuraj, gracie maldikaj hundoj kapablaj kapti leporojn: lepordanhundo angla (SIN. grejhundo), rusa (SIN. barzojo), araba (SIN. slugio). SIN. levrelo.
luphundo
Hundo, pli-malpli aspektanta kiel lupo kaj dresita speciale por gardado aŭ policaj taskoj.
Granda Hundo
Aŭstrala konstelacio (Canis major), entenanta Siriuson: antaŭ 2500 j, la leviĝo de Granda Hundo ĵus antaŭ tiu de Suno, indikis aperon de la plej varmaj tagoj; hundaj tagoj (tre varmaj).
Malgranda Hundo
Boreala konstelacio (Canis minor), entenanta Procionon.
Al hundo ja "licas" rigardi episkopon.
Azilo por perditaj hundoj.
Bojanta hundo ne mordas (ne timu bojantan hundon).
Bojas hundido, ĉar tiel faras hundo.
Elpeli iun kiel favan hundon.
Hunda raso, vivo (mizera).
Hundo bojas, homo vojas.
Hundoj terure hurlis, kvazaŭ morton antaŭflaris.
La lastan el la amaso la hundo atakas.
Por hundon dronigi, oni nomas ĝin rabia.