1. (ie) en la sama loko: laŭdu la maron, sed restu sur tero (Z); mi restos hodiaŭ dome (Z); mi restas ĉi tie laŭ la ordono de mia estro (Z); restu en la amaso, diris patro (Z); ŝanceliĝante, ĉu li devas resti aŭ iri post la kuzino (Z); (analoge) la princo restis sur la batalkampo (mortinta).

2. (iel) en la sama pozicio: dum kelke da sekundoj, ŝiaj palpebroj restis mallevitaj (Z); li alpremis sian vizaĝon al la muro kaj en tiu situacio li restis, tremante (Z); la tuta grupo restas kvazaŭ ŝtonigita (Z); la ceteraj gastoj restas simple kiel kolonoj (Z); li restis genue.

3. (kun, ĉe) en la sama okupo aŭ kompanio: restu tajloro ĉe via laboro (Z); resti kun leono estas danĝere (Z); agrabla estas gasto, se ne longe li restas (Z); se geedzoj sin batas, fremdulo restu flanke (Z); li ordonis al li resti sur la posteno (B); ĉi tio restu inter ni!; (f) mi tamen restos ĉe mia opinio (Z).

4. (ia) en la sama stato: ŝi iris tre singarde, por ke ŝiaj piedoj restu puraj (Z); la tamburisto restis netuŝita, kaj li kantis plue (Z); ŝi restis nun sola (Z); la malgranda J. rilate sian instruistinon restis ĉiam ĝentila (Z); tiu ĉi grava tago restos por mi ĉiam memorinda (Z); kiel estis, tiel restas (Z); ĉio restos kiel antaŭe (Z); lernado sen fruktoj neniam restas (Z); la unutaga regado de tiu ĉi estro ne restis sen postsignoj (Z); li ne restos sen puno (Z); en la fino de 1889 mi restis sen kopeko (Z).

5. post kiam malaperis unu aŭ pluraj aliaj partoj: por malfrua gasto restas nur osto (Z); restis absolute nenio, nek por mordi, nek por gluti (Z); eĉ signo ne restis, kie urbo estis (Z); dekoj da spesmiloj, kiuj restis de la vendo de la meblaĵo (Z); oni permesis, ke la arbo kun la nesto de la cikonio restu (Z); restos nur fumo, vaporo, haladzo kaj cindro! (Z); (f) vundo pasas, vorto restas (Z); restas nur du semajnoj ĝis la kongreso; (speciale, pri heredaĵo) post la patro restis al ni malgranda dometo (Z); ora braĉeleto, restinta post mia patrino (Z).

6. post kiam la aliaj agoj estis faritaj: ĉe la rigardo, kiom fari restas (Z); restas nur al mi morti (Z); al la plejmulto restas nenio alia por fari, ol migri (Z); al la registaroj restus nur doni sian sankcion al fakto jam plenumiĝinta (Z); restas al ni respondi ankoraŭ unu lastan demandon (Z); al vi restas jam nur simpla ellernado de vortoj (Z).

1. Loko, kie oni restas: mi trovis malkostan someran restadejon.
   loĝejo, hotelo.

2. [KRISTANISMO] Loĝejo de la ordenoj, fonditaj en la 16a jc: restadejo de jezuitoj.

1. Lasi, ke iu aŭ io restu ie: eniru al la kromvirinoj de via patro, kiujn li restigis, por gardi la domon (X); ŝi deziris restigi ĉe si la malgrandan Gerdan (Z); se ŝi taŭgos, ili ŝin restigos ĉe si (Z).

2. Lasi, ke iu aŭ io restu ia: du partojn (el la Moabidoj) li mezuris por mortigi, kaj unu, por restigi vivaj (X).

3. Lasi, ke io apartenu al iu: nur prunti, ne restigi al si! (Z); libroj estis ĉio, kion lia patro restigis al li (Z); la domon ŝi restigis al ni kiel heredaĵon (Z).

4. Lasi stari, ne forigi, konservi: la venonta tago restigos al ili nek radikon nek branĉon (X); la akridoj formanĝis ĉion, kion restigis la hajlo (X); se la aŭtoro antaŭ la presado sendus al mi la manuskripton, mi tiun ĉi regulon ne restigus (Z); se vi deziras restigi al la Oficejo ĝian privatan karakteron [...] (Z).

resti

Esprimoj

Kelkaj kunmetaĵoj

Vortoj uzitaj en la sama ĉirkaŭkunteksto

Ankaŭ vidu:

Iel rilatitaj: