kato

*kat/o

[ANATOMIO] Sp. de feliso (Felis silvestris) de mamulo el la subordo de rabobestoj, tenata kiel muskaptanta dombesto: kato miaŭas, kraĉospiras, ŝpinas; la bot-vestita Kato, la Kato kun botoj (persono de fabelo); kiam kato promenas, la musoj festenas (Z) (kiam mastro foriras, ne sin ĝenas la servantoj); danci kiel kato ĉirkaŭ poto (Z) (agi tre atente); vivi kun iu, kiel hundo kun kato (Z) (malamike); kiam kato jam formanĝis, forpelado ne helpos (Z).

kata

Rilata al kato: kataj lipharoj.

(f) Simila al tiu(j) de kato: kataj paŝoj (mallaŭtaj).

kataĵo
Ago propra al katoj.

kateto

Malgranda, juna kato.

Karesa nomo por virino aŭ infano: la reĝo vin tenu en siaj brakoj, nomu vin kateto (Z).

katido
Juna kato: plej juna katido musojn jam pelas (Z).

katino
Ino de kato.

virkato
Virseksa kato.

katherbo

Katario.

Valeriano.

mustelkato
Foino.

kato

Esprimoj

Danci kiel kato ĉirkaŭ la poto.
Domedukita kato.
Fali ĉiam plandalsube kiel kato.
Kiam la katoj promenas, la musoj festenas.
Kontentigi la katon kaj kune la raton.
Ne karesi la katojn kuspe, kontraŭ la haroj.
Vivi kiel kato kaj hundo.