muso

[ZOOLOGIO] G. (Mus) de malgrandaj mamuloj el la ordo de ronĝuloj, kun longa, skvamkovrita vosto; kelkaj sp-oj faras malutilon en homaj loĝejoj: simile al ĉiuj virinoj ŝi forte timis nin, musojn (Z); la ŝipeto iris al la fundo kun siaj homoj kaj musoj (Z); musoj pepas; muso la katon ĉiam ofendis (Z) ( [VIDU] rabia); kuradi kiel venenita muso (Z) (senutile barakti).
rato.

[KOMPUTIKO] Komputila flankaparato, kiun uzanto movas sur la tablo aŭ sur speciala mato, por tiel movi respondan montrilon sur la ekrano: ĝenerale muso havas almenaŭ unu klavon, per kiu oni povas elekti funkcion ĉe la indikata loko.
alklaki, montrilo, stirstango.

musedoj
Fam. (Muridae) de ronĝuloj, al kiu apartenas i.a. muso kaj rato, k.a.

dormomusoj
Vulgara nomo de la gliredoj.

kampomuso
Vulgara nomo de sp-oj de mikrotoj (Microtus agrestis, M. arvalis), vivantaj en kamparo kontraste kun muso.

Monto gravediĝis, muso naskiĝis.