1. Movi en iu direkto objekton, turnadante ĝin ĉirkaŭ ĝia akso: ruli barelon en kelon, dehakitan arbotrunkon per leviloj; kiu rulas ŝtonon, al tiu ĝi revenos (X); la infanoj rulis neĝbulon laŭ la strato; la rivero rulas ŝtonojn; renversinte la pladeton, ili rulis ĝin sur la planko (B); ruli globeton inter siaj fingroj; la infano ekridis de ĝojo, rulis sin sur la tero (Z); (analoge) ruladi la okulojn (ĉiudirekte).
   giri, rotacii, ŝlifi, turni, volvi.

2. Estigi movon, kiu donas la impreson de rulado: la maro rulis pezajn ondegojn sur la bordon (Z); la tritikaj kampoj rulis ondojn de oro; la vento rulas la nebulon, la kamenfumon.

3. Eligi sonon kun vibra reeĥa efekto: ruli versojn; ruli la rojn; la orgeno rulis sub la volboj majestajn tonojn; vane la granda urbo ruladis malsupre siajn obtuzajn bruojn (Z); (f) (grandan) agon tra generacioj kaj landaj la buŝo de l' poetoj pligrandigante rulas (Z); (abs) sub rulanta krakego (Z) (de la tondro).

4. [KOMPUTIKO] Plenumigi komputilan programon: uzanto rulas programon en komputilo per la mastrumilo; la kapablo de programo ruliĝi per diversaj komputiloj; rultempa eraro.
   lanci, munti.

1. Ago de tiu, kiu rulas: Sizifa rulado de ŝtono; rulado de tamburoj (Z); oni aŭdas la lastajn ruladojn de la tondro.

2. [MUZIKO] Gamo rapide kantata sur unu sama silabo.

1. [KUIRARTO] Vianda aŭ fiŝa tranĉaĵo, aŭ brasika folio rulita kaj garnita (per farĉo ks): vegetara rulo.

2. [KUIRARTO] Kuka pasto, rulita kaj garnita per konfitaĵo.

3. (fm) Mane kunvolvita aŭ kunrulita cigaredo kun fumebla substanco: marihuana, haŝisa rulaĵo; mi vidis ŝin [...] kun botelo aŭ rulaĵo inter la fingroj (JC).

1. Moviĝi, turniĝante ĉirkaŭ sia akso: feraj reloj, sur kiuj ruliĝis la radoj (Z); la pizoj ruliĝis sur la teron (Z); la grandaj moneroj ruliĝis sur la planko (Z); la globeto ruliĝis en fendon; ha, vi denove ruliĝadis sur la lito! (Z); (f) rado de doloro kaj de ĝojo en mia kor' ruliĝas (mi estas jen en doloro, jen en ĝojo).

2. Antaŭeniĝi pere de la ruliĝado de subportantaj radoj: la veturilo ruliĝis tre rapide (Z); veturiloj ruliĝadis brue tra la stratoj (B); la ruliĝanta grandega veturilo (Z).

3. Veturi per radveturilo: ni ruliĝos la tutan tagon; nun la vojo estas pli bona, kaj ni povos ruliĝi pli rapide.

4. Antaŭeniĝi per onda movo: tie, kie Rejno ruliĝas antaŭen kiel unu sola longa ondo (Z); tie, kie nun la maro ruliĝas sur la sablan grundon (Z); ondego ruliĝis trans la buspriton (Z); la mara nebulo ruliĝadis super la akvo (Z).

5. [ŜIPOJ] Transverse balanciĝadi, alterne suprenigante babordon kaj tribordon: la boato, ne plu obeante la rudron, komencis forte ruliĝi.
   tangi.

6. [AVIADO] Ricevi angulan moviĝon ĉirkaŭ la longakso.

1. Volvi 1.

2. Volvi skribrulaĵon de unu bastono al alia por legi ĝin.

3. [KOMPUTIKO] Movi (tekston) sur komputila ekrano por rigardi tekston, kiu estas tro granda por la ekrano aŭ por la fenestro: rulumi tekston tra longa dosiero.
   foliumi.

• Draŝi : draŝilo, draŝrulo, draŝmaŝino.
• rul(volvzaĵ)o da papero
• rulbastono / rulpremilo
• rulo : pli-malpli longa objekto cilindroforma, kiun oni povasruli (rulo por premi paston; rulo de skribmaŝino; rulo da papero).
• rulo de skribmaŝino
• rulpremi la gazonon
• rultrabo / draŝrulo
• ŝosecilidro / ŝoserulo

Bildvortaro

Iel rilatitaj: