stacio

*staci/o

1. [TRAFIKO] Grava haltejo de trafikilo (fervojo, metroo, ŝipo k.a.) kun instalaĵoj por priservo de la pasaĝeroj.

2. Loko, kie multaj vojaĝantoj kelkatempe restadas: someraj stacioj ĉe la marbordo, en la montaro; la stacioj de Himalajo, de Alpoj.

3. Loko, destinita por konstantaj sciencaj esploroj: meteologia, spaciala stacio.

4. [TELEKOMUNIKOJ] [ELEKTRO] Loko, ekipita per aparatoj por difinita celo: amplifa stacio (interlinea stacio de interurba telefonreto, servanta por amplifi la signalkurenton); asocia stacio (du aŭ pluraj abonantoj en la sama domo aŭ strato, kunigitaj por komune uzadi la saman ĉefstacian konduktilon); ĉefa stacio (pp telefonstacio: telefonaparato de abonanto kun la apartenanta konduktolineo, konektita al la loka telefoncentralo: ĉiu ĉefa stacio povas havi substaciojn, kiuj komunikas kun la publika telefonreto nur tra la ĉefa stacio); redissenda stacio (radiosendilo, kiu ricevas programojn de alia stacio kaj ilin redissendas, amplifante la signalojn laŭnecese); transforma stacio (stacio inter alttensia centralo kaj la distribuaj transsendaj lineoj, enhavanta transformilojn por transformi la altan tension en mezan aŭ malaltan tension).

5. [KRISTANISMO] ĉiu el la 14 bildoj de Kalvaria vojo (en preĝejoj, aŭ en sankta loko), antaŭ kiuj estas dirataj iaj preĝoj: (f) ŝi staris ja nun ankoraŭ ĉe la komenco de sia Kalvaria vojo, ŝi pasis ankoraŭ ne pli ol du ĝiajn staciojn (Z).

6. [FERVOJO] Sekcio de fervojlinio, kie eblas gravaj influoj al trajnotrafiko (elvicigo kaj envicigo de trajnoj, komenco kaj fino de trajnokursoj ks).