soifi

(ntr) Senti bezonon, deziron trinki: miaj servantoj trinkos, kaj vi soifos (X); oni devigas ilin treti en vinberpremejoj, dum ili mem estas soifantaj (X); mi soifis kaj vi donis al mi trinki (N); (f) la tero soifas.

(tr) Forte deziri, aspiri: soifi vengon, ripozon; mia animo soifas Dion (X); feliĉaj estas tiuj, kiuj malsatas kaj soifas justecon, ĉar ili satiĝos (N); ne al glavo sangon soifanta (Z).

soifo

Sento de tiu, kiu bezonas trinki: suferi soifon (X); senfortiĝi de soifo (X); la lango de suĉinfano algluiĝis al ĝia palato pro soifo (X); sovaĝaj azenoj kvietigas sian soifon (X); en mia soifo ili trinkigis al mi vinagron (X); en la dormo oni sentas nek malsaton nek soifon (Z).

Forta deziro: Mi sendos [...] ne soifon pri akvo, sed soifon por aŭskultado de la vortoj de la Eternulo (X); tiu ardo kaj kvazaŭ anima soifo je la vortoj de la evangelio (Z); soifo al la scienco (B); soifo je kisoj; havi soifon legadi hejman lingvon.

soifa
Sentanta soifon: se li estas soifa, trinkigu al li akvon (X).

soifigi
Fari iun soifa: la kurado kaj varmeco soifigis la knabojn.

sensoifigaĵo
Trinkaĵo.

malsoifigi, sensoifigi
ĉesigi ies soifon: li haltis, por sensoifigi sian kamelon; la pluvo malsoifigas la teron (Z).

En la dormo oni sentas nek malsanon nek soifon.
Kvietigi sian soifon.
La pluvo malsoifigas la teron.

malsoifigi,sensoifigaĵo,sensoifigi,soifa,soifi,soifigi,soifo

aspiri
deziri
drinkemulo
freŝa
havi sekan gorĝon
morti pro soifo
pipso
sata
satigi sian soifon
trinkiĝis sensoifo, ĝissate, ĝis kontentigo