korno

*korn/o


I-
  1. [ZOOLOGIO] Pli-malpli longa, konusa, malmola elstaraĵo, rekta aŭ kurba, el keratino, kiu kreskas sur frunto aŭ alia parto de la kapo de hufuloj, precipe la virseksaj: al porko Dio kornojn ne donas (Z); korno de cervo, de rinocero, de taŭro; Petro kornojn tenas, Paŭlo lakton prenas (Z); preni la bovon per la kornoj (Z) (iri rekte al la malfacilaĵo); (analoge, pri fantaziaj estaĵoj) la kornoj de Diablo, de satiruso; la skarlata besto havanta sep kapojn kaj dek kornojn (X) (simb. de Romo).
  1. [KOMUNUZO] Korno 1 aŭ ramuro.
  1. (f) Tiu parto, rigardata kiel

a) (ark.) armilo kaj simbolo de forto: riĉulo havas kornojn, malriĉulo dornojn (Z); dehaki la kornojn de la nacioj (X); li rompis ĉiujn kornojn de Izrael (X); la nacioj levis sian kornon kontraŭ la loĝantojn de Judujo (X).
brako, pugno. [VIDU] kornobati, kornopiki;
b) simbolo de kokriteco.
  • II- Io simila al la bova korno aŭ per sia loko aŭ per sia formo:
    1. Elstaraĵo sur la kapo de iaj bestoj: kornoj de limakoj (Z), de gufo, de ĉerasto.
      anteno, tentaklo.
    1. Bova korno, uzata kiel ujo: li prenis la kornon kun oleo kaj sanktoleis Salomonon (X); ili trinkis medon en uraj kornoj.
    1. [MUZIKO] Bova korno, aŭ similforma latunaĵo, uzata kiel muzikilo: sen la korno, kiu pendis ĉe lia flanko, la gardisto ne povus trumpeti (Z); la Alpa korno sonis profunde melankolie (Z); blovi per la korno de ribelo (Z); oni aŭdis sonadon de kornoj super la erikejo (Z); standardo havanta [...] flavan kornon de poŝto (Z); valva, natura korno.
    1. Io konture simila al korno de bovo: la tri kornoj de nobela ĉapelo; la kornoj de la luno.
    1. [TIPOGRAFIO] Supersigno kun la formo de bova korno: dekstra korno, maldekstra korno, dukorno (SIN. pinta hoketo).
      cirkumflekso, malapostrofo.
  • III- Substanco
    1. konsistanta el fortikiĝinta parto de epidermo, ofte uzata industrie: kombilo el korno; kornatavola fenestro (Z).
      keratino.
    1. simila, same uzata: tranĉilo kun tenilo el cerva korno (el cerva ramuro); arta korno (farita el kazeino kaj formaldehido; SIN. galalito).
  • korna
    1. Rilata al korno.
    1. Konsistanta el korno III- 1: korna kombilo.
  • korni
    1. (ntr) Sonigi kornon.
    1. (tr) Provizi per kornoj: kornitaj kapoj (Z) (de diabloj).
  • kornaro
    Plurbranĉaj kornoj de cervedoj, konsistantaj el osta substanco.
  • korneca
    Farita, konsistanta el substanco simila al korno: korneca kombilo, tabakujo; [ANATOMIO] korneca tavolo de la epidermo.
  • korneto
    Malgranda kornoforma objekto: korneto kun bombonoj.
  • korniĝi
    Iĝi malmola kiel korno: la malseka ganto korniĝis.
  • kornulo (fm)
    Kokrito.
  • kornohava, kornoporta
    Havanta kornojn: kornohava virŝafo (X).
  • dekkornulo
    Maljuna cervo kun dek branĉoj en sia kornaro.
  • dukorna, trikorna
    Havanta du, tri kornojn: dukorna ĉapelo, flago.
  • dukorno
    Hoketo.
  • unukornulo
    1. [MITOLOGIO] Fabela besto, kun ĉevalkorpo kaj unu korno meze de la frunto.
    1. = rinocero.
  • abundokorno
    Simb. de abundo, konsistanta el kapra korno plena de floroj, fruktoj kaj grenspikoj.
  • amboskorno
    Konusforma ekstremaĵo de amboso.
    ambosbeko.
  • aŭtokorno
    Hupo 2.
  • ĉaskorno (Z)
    [MUZIKO] Korno II-3, uzata de ĉasistoj.
  • lamenkornuloj
    [ZOOLOGIO] Grupo (Lamellicornia) de koleopteroj kun fasko da lamenetoj sur la antenoj: melolonto kaj skarabo estas lamenkornuloj.
  • longkornuloj
    [ZOOLOGIO] Cerambikedoj.
  • nebulkorno
    Speco de sireno, kiun sonigas ŝipoj, buoj, lumturoj en la nebulo.
  • paperkorneto (Z)
    Pinta saketo el papero.
  • sakskorno
    [MUZIKO] Nomo de multaj latunaj blovinstrumentoj kun konusa tubo, tasa buŝpeco kaj valvoj.
  • ŝukorno
    Duono de korno, segita laŭ la longo, kies larĝa parto servas por glitigi kalkanon en ŝuon; tiu ilo estas ankaŭ farata el metalo aŭ plasto.

    komo

    6,05 ses komo nulo kvin.Decimala komo.paŭzo.propozicio.punkto.punktokomo.
    interpunkcio kalkuli. nombro.

    Iel rilatitaj:

    apostrofx aŭtomobilx bestx blokx bovx bubalx butonx cerbx edzx interpunkcix kalkulx kapx nombrx okulx portx ungx ŝafx