Rimenaranĝo ĉirkaŭ la kapo de rajdo- aŭ tir-besto, por ĝin konduki k gvidi: la kompleta brido konsistas el la kaprimenoj, la mordaĵo k la kondukiloj; lasi al ĉevalo la bridon sur la kolo (ne plu gvidi ĝin).
(f) Haltigilo, bremso: oni devas meti bridon al la reformemo (Z).
brideto En piano, rimeneto, kiu tiras la martelon malantaŭen post la frapo.
bridi (tr)
Surmeti bridon al.
(f) Moderigi, kvietigi, obeigi: eĉ se mi bridus en mia brusto tutan la koleron [...] (Z); bridi sian buŝon (Z). bremsi, butonumi, kateni, regi, teni.
bridado Ago bridi (pf).
duonbrido Brido sen mordaĵo.
malbridi
Demeti la bridon de besto.
[ MEDICINO]
Sekci ion, kio malhelpas normalan elfluadon: malbridi absceson.
nebridebla (f) Tro forta, por esti limigita: nebridebla fantazio.
senbrida (Z)
Liberigita el brido.
(f) Senmodera, senlima, tro libera: senbrida kolero, ambicio, fantazio, pasio.
senbridigi
Demeti bridon.
(f) Lasi plenan liberecon: la senbridigita popolo faris inter ili grandan (buĉadon) (Z).