sezono

*sezon/o

1. ĉiu el la jarkvaronoj, el kiuj du komenciĝas je la solsticoj kaj du je la ekvinoksoj, kaj kiujn, en la mezvarmaj terzonoj, distingas diferencaj temperaturoj: la kvar sezonoj estas printempo, somero, aŭtuno kaj vintro; estis malfrua sezono (Z) (aŭtuno); la juna sezono (printempo); ĉiu sezono kun sia bono (Z).

2. En la varmaj aŭ malvarmaj terzonoj, ĉiu el la du jarpartoj, dum kiu la meteologiaj kondiĉoj estas konstantaj: la seka, la pluva sezono; la Inuitoj konas nur du sezonojn, naŭmonatan vintron kaj trimonatan someron.

3. Jarparto, aparte taŭga aŭ favora por ia faro, okupo, komercofako ks: por ĉio estas sezono (X); la sezono de la ĉaso, de la banoj; tio estas la morta sezono por la ĉapelistoj, peltistoj, karbovendistoj.