[religio] Trempi (iun) en akvo, aŭ simple aspergi per akvo aŭ alia likvo, kiel puriga aŭ inica rito: venis Jesuo el Galileo al Johano, por esti baptata de li (N); la mitraistoj estis baptataj per la sango de taŭro.
[kristanismo] Per tiu sama rito inici en la kristanan eklezion: baptadis ne Jesuo mem, sed liaj disĉiploj (N).
Per tia ceremonio doni al iu oficialan nomon: mi baptos vin Petro; (analoge) bapti ŝipon, sonorilon; (f) la kuniklon la kuiristo baptis leporo k prezentis pompe. inaŭguri.
(fm) Fripone almeti akvon en trinkaĵon, por pli profiti el la vendado: bapti vinon, lakton. adulteri.
bapto
Religia aŭ civila ceremonio, per kiu oni baptas iun: ĝi sonoradis por bapto de infanoj (Z); (analoge) ĉeesti la bapton de ŝipo; (f) la larmoj estis la ama bapto de la malgranda Helga (Z). [VIDU] baptofil (in)o, baptopatr(in)o.
(f) Unua sperto, kiun oni ricevas pri aparta vivmedio, kondiĉaro ks: ricevi sian aerbapton, fajrobapton, marbapton (unuafoje flugi, militbatali, ŝipveturi); la bapto ĉe la linio (burleska ceremonio, celebranta la unuafojan trapason de ekvatoro).
bapta Rilata al bapto: bapta ceremonio, festeno.
baptan (in)o
La baptopatro rilate al la baptopatrino k reciproke.
Fm alnomo de amikeco.
baptejo Parto de preĝejo, aŭ iafoje aparta konstruaĵo, destinita al la baptoj.