1. Rilaton inter fakte okazinta aŭ okazanta ago kaj ĝia sekvo: se E. tamen vivis kaj kreskis regule, ni povas pri tio sincere nin gratuli (Z); eble ankoraŭ atendas min ia ĝojo, se mi tiel mirakle konserviĝis (Z); se ni vin ne komprenas, kiu do povus vin kompreni? (Z); se mi povas lin kisi, vi ankaŭ tion povas (Z).
   ĉar, dum.

2. Rilaton inter du agoj, kiun oni prezentas kiel validan por ĉiu tempo: se figuro havas tri laterojn, ĝi estas triangulo; se oni amas la gaston, oni zorgas la paston (Z); la tuta urbo parolis nur pri la mirinda birdo, kaj se du personoj sin renkontis, ili faris ekstazajn mienojn (Z); se foriras la katoj, festenas la ratoj (Z); se Peĉjo ne semos, Petro ne rikoltos (Z).
   ĉiufoje, kiam.

3. Rilaton inter ebla ago kaj ĝia eventuala sekvo: la amo pasas, se la amatino dum kvin jaroj kuŝis en tegmenta defluilo (Z); se li jam venis, petu lin al mi (Z); se via frato pekis kontraŭ vi kaj li pentas, pardonu al li (Z); se vi havos okazon, ne forgesu al mi skribi (Z); mi povus sveni, se mi restos sola (Z); ne plaĉus al mi, se oni min rifuzos.

4. Rilaton inter neebla aŭ nefakta ago kaj ĝia ne okazonta sekvo: se mi estus sana, mi estus feliĉa (Z); mi ne povus tion kredi, se mi ne vidus ĝin per miaj propraj okuloj (Z); pli bone estus al li, se li neniam estus naskita (Z); se ni ne prokrastus, ni jam du fojojn estus revenintaj (Z).

se