[ BOTANIKO] (pp semplantoj) organo, ĝenerale subtera, konsistanta el dika, mallonga tigo portanta malsupre radikojn k supre multajn, ofte grasajn, pli-malpli skvamformajn foliojn dense sidajn ĉirkaŭ burĝono: bulbo de lilio, de tulipo, de ajlo. bulbilo.
(evi) bulbo de cepo: ni manĝis senpage poreojn, bulbojn k ajlojn (x); mia patrino faris fajron, rostis la bulbojn (z).
objekto kun formo de bulbo: oni de malproksime rekonis la bulbojn de la slavaj preĝejoj; bulbo de relo (kun bulbforma sekcaĵo).
A) [ANATOMIO] (bulbus) pli dika ekstremaĵo de iuj organoj: olfakta bulbo (vd oftalmo).
b) = [ANATOMIO] oblonga mjelo (medulla oblongata). SIN. mjelencefalo.
bulba Havanta formon de bulbo: bulba angulaĵo; [ARKITEKTURO] bulba kupolo de rusaj preĝejoj; [TEKNIKOJ] dubulba relo.
firma bulbo [BOTANIKO] Bulbo, precipe konsistanta el globa aŭ ovoida tiga parto supre portanta burĝonon, ĉirkaŭitan de maldikaj membranoj aŭ skvamoj, restaĵoj de la folibazoj (ekz. bulbo de krokuso); kelkfoje taksita kiel bulbeca rizomo.
kunmeta bulbo [BOTANIKO] Bulbo, konsistanta el elementaj etaj bulboj (bulberoj) facile apartigeblaj de la tuto, ekz. ĉe ajlo.
skvama bulbo [BOTANIKO] Bulbo, precipe konsistanta el folioj relative mallarĝaj (ekz. bulbo de lilio).
tunika bulbo [BOTANIKO] Bulbo, precipe konsistanta el folioj (tunikoj 5) tre larĝaj, tute ĉirkaŭantaj la pli internajn foliojn (ekz. bulbo de cepo).
bulbero [BOTANIKO] Elementa, eta bulbo de kunmeta bulbo.
idbulbo [BOTANIKO] Subtera bulbilo, naskiĝanta aksele de folioj de bulbo.
poliobulbito [MEDICINO] Epidemia malsano simila al poliomjelito, sed trafanta la oblongan mjelon.
pseŭdobulbo [BOTANIKO] ŝajnbulbo.
harbulbo [ANATOMIO] La pli dika ekstremaĵo de la harradiko.
mjelbulbo = bulbo 4b.
okulbulbo [ANATOMIO] Vd okulo.
ŝajnbulbo [BOTANIKO] (pp iuj orkidacoj) Bulboŝajna dikaĵo, konsistanta el tigbazo, al kiu iufoje aldoniĝas kuntuŝaj folibazoj, portanta adventivajn radikojn.