sedimento

[GEOLOGIO] Natura demetaĵo, plej ofte tavoliĝinta, estigita de eksterdevenaj fenomenoj; ĝi konsistas el minerala k/aŭ organika materialo, transportita de akvo, glacio aŭ vento, demetiĝinta pro fizikaj, kemiaj k/aŭ biokemiaj fenomenoj: mara, laga, kontinenta sedimento; kalcikarbonata, silica sedimento.
diagenezo, petro, tavolo.

[KEMIO] Precipitaĵo el suspensiaj aŭ pli-malpli solvitaj materialoj en senmova likvo: urinaj sedimentoj; sedimento formiĝis funde de la retorto.
feĉo, surfundaĵo.

sedimenta
Rilata al sedimento: sedimentaj terenoj, petroj; sedimenta baseno.

sedimentigi
Estigi sedimentiĝon.

sedimentiĝi
Iĝi sedimento (pp suspensio, polvo ktp).

sedimentiĝo

[GEOLOGIO] Formiĝo de sedimento: mara, laga, eola (venta), glaĉera sedimentiĝo.

[KEMIO] [MEDICINO] Formiĝo de sedimento per disiĝo de eroj de malsama dikeco laŭ ilia falotempo en senmova likvo: la rapideco de sedimentiĝo de la ruĝaj globetoj estas pli granda ĉe multaj akutaj aŭ kronikaj afekcioj.

sedimentologo
Specialisto en sedimentologio.

sedimentologio
Scienco pri sedimentoj, sedimentiĝo kaj sedimentaj petroj.