[KOMUNUZO] Cilindroforma peco el ligno plasto kc, ĉirkaŭ kiu oni volvas fadenon: bobeno por kudromaŝino. SIN. bobenkerno. ŝpinilo, konuklo.
[TEKSINDUSTRIO] Cilindra, konusa aŭ simila volvaĵo de fadeno.
[ ELEKTRO] Cilindra dratvolvaĵo: aerkerna, agorda, senpolusa bobeno en radiotelefonio; ĉelara bobeno (aerkerna kun dukontakta ŝtopilo, volvita senkapacite); krucvolva bobeno (pli moderna formo de ĉelara bobeno); indukta bobeno (volvaĵo el kupra drato ĉirkaŭ tubo el izolaĵo, uzata por pligrandigi la induktancon de cirkvito).
[ FOTOGRAFIO] Cilindroforma volvaĵo de filmo k de nigra papero, per kiu oni povas ŝargi fotoaparaton en plena lumo.
[FOTOGRAFIO] Cilindroforma dika volvaĵo de projekciota filmo, ĉ. 300 m longa, uzata kiel unuo de longo: tribobena filmo.
(ark.) = navedo: miaj tagoj forflugis pli facile, ol bobeno de teksisto (X).
bobeni (tr) Volvi ĉirkaŭ bobeno: bobeni lanon, draton.
bobenego Granda bobeno, ĉirkaŭ kiu oni volvas ŝnuregon. kapstano.
bobenilo Maŝino por bobeni.
bobenistino Laboristino, kiu bobenadas.
malbobeni Malvolvi ion de ĉirkaŭ bobeno.
barbobeno [ ELEKTRO] Bobeno kun malgranda rezistanco k granda reaktanco por kontraŭstari la pason de alterna kurento en cirkvito.
paperbobeno Granda kontinua strio el papero kunrulita ĉirkaŭ si k prezentanta grandajn dimensiojn: paperbobenoj por gazetpresado.
sparkbobeno [TERVETURILO] Indukta bobeno, servanta por ekbruligi la benzinvaporon en eksplodmotoro. bobenx