munti

Fikse kunmeti la diversajn partojn de aparato, maŝino sur la ĝustan lokon: munti horloĝon, aŭtomobilon, frezmaŝinon; (f) munti objekton por mikroskopa observo. [VIDU] vitro.

[KOMPUTIKO] Legi programon ks en la memoron de komputilo: munti presilzorgilon, tiparon.
lanĉi, ŝargi.

[FOTOGRAFIO] Elekti, enordigi kaj kunigi en unu definitivan strion la scenojn diversloke kaj diverstempe filmitajn.

muntado
Ago de tiu, kiu muntas: halo por muntado de kamionoj; la muntado estas la okazo, kie aperas la stilo propra al reĝisoro.

muntaĵo
La muntita tutaĵo.

muntisto
Laboristo, kiu prizorgas la muntadon.

muntumo
Peco, sur aŭ en kiu estas muntita la koncerna objekto: la muntumo de segilo, de diamanto.
framo.

almunti
Aldoni per muntado parton al aparato.

malmunti (Z)
Apartigi la diversajn pecojn, el kiuj konsistas aparato aŭ maŝino: estas necese malmunti la karburilon.

remunti
Denove munti ion malmuntitan: la remuntado de trapikita kaj riparita pneŭmatiko.

aksmuntaĵo
Muntaĵo, kiu portas la pivotojn de rado kaj en kiu tiu ĉi turniĝas.