komisii

Konfidi al elektita persono plenumon de ago, laboro aŭ klopodo, kiun li devas zorgi kaj prirespondi: komisii al la sekretario publikigon de protokolo (B); mi intencis komisii la tradukon al iu alia (Z); la libron oni komisiis al si traduki (Z); komisii al komitato la kreadon de nova lingvo estus tiel same sensence, kiel komisii al komitato verki bonan poemon (Z); li komisiis la oficojn en la domo de la Eternulo al la pastroj Levidoj (X); li estis komisiita porti la aĉetaĵojn sur la ŝipon (X); jen beno estas komisiita al mi (X).

Transdoni kiel prizorgotaĵon: vi komisiu al la Levidoj la tabernaklon (X); la inspektisto, al kiu la korteganestro komisiis Danielon (X).
konfidi.

komisie
Laŭ la maniero de iu, kiu komisias: estas komisie transdonita al mi paro da galoŝoj (Z); mi parolas komisie de mia grupo (en ĝia nomo).

komisio

Ago, per kiu oni komisias ion al iu: li ricevis la honoran komision formi [...] (Z); por fari reformojn en E. la Delegacia Komitato ricevis komision nek de la E-istoj, nek de siaj propraj delegintoj (Z); mi parolis kun la mastrino de la domo en komisio de unu sinjoro (Z); multaj amikoj petas min sendi al ili en komision grandan nombron da libroj (Z) (kun komisio vendi ilin, t.e. kredite).

Tio, per kio iu estas komisiita: tiu servistino plenumis nur negravajn komisiojn (Z); prenu tiun ĉi paketon: en ĝi vi trovos mian komision detale (Z).

komisianto
[KOMERCO] Persono, laŭ kies ordono kaj je kies konto la komisiisto aĉetas aŭ vendas.

komisiisto

Tiu, kies metio estas plenumi la komisiojn de aliaj personoj: strata komisiisto; komisiisto por la transporto de la pakaĵoj, varoj.

[KOMERCO] Tiu, kiu profesie kontraktas laŭ la ordono kaj je la konto de alia persono, ricevante pro tio salajron aŭ provizion.

komisiito
Tiu, kiun oni komisiis ion fari.
delegito, komisaro, deputito.

komisiulo
Komisiita peranto: vere vi prenis lertan komisiulon (Z).

irkomisio
lro por aĉetado de varoj ktp en komisio de iu: venadis maljuna homo, por ordaranĝi kaj plenumi la irkomisiojn (Z).
trabutiki.