fabelo

Distra rakonto, precipe destinita al infanoj, pri fiktivaj aventuroj de herooj kun supernaturaj kapabloj: la fabeloj estas la moderna formo de la antikvaj mitoj; la fabeloj de Perrault, de Grimm, de Andersen; li povosciis rakonti tiom multe da fabeloj kaj historioj, ke estis plezure lin aŭskulti (Z); la 'Vintra Fabelo' (komedio de Sekspiro).
fablo, legendo, folkloro.

(f) Nekredebla, mensoga rakonto aŭ aserto: ĉu vi ne hontas? Maljuna homo kaj kredanta infanajn fabelojn! (Z); rigardu min, aŭskultu min, kaj konvinkiĝu, ke mi ne estas fabelo! (Z); fabelo de maljunaj virinoj (Z); mi diros, ke tio estas fabeloj por enluligi (Z); ne rakontu al mi fabelon!
blago.

fabela

fabel (ad)i (ntr)
Elpensi, rakonti fabelojn: ĉiuj nomis lin Via Sinjora Moŝto kaj ili ridis, kiam li fabeladis.

fabelaĵo
Io tiel malvera, kiel fabelo: fabelaĵoj, fabelaĵoj! (Z).

fabelaro
Libroforma kolekto da fabeloj.

fabelisto
Elpensinto de multaj fabeloj.

fefabelo
Tia fabelo, en kiu fe (in)o ludas rolon.

alegorio. apologo. aventuro. fablo. legendo. mito. mito. parabolo. rakonto.
Cindrulino.
drako. elfo. feino. gnomo. ĝino. heroo. kanibalo. kavaliro. koboldo. monstro. niksino. nikso. ogrino. ogro. princino. princo. prodo. rabisto. reĝo. sorĉisto. trolo.
edifa.
envulti. hanti. transformi. transformiĝi.
magia vergo.
vizio.