leki

ŝovi la langon sur ion: pro amo al la kandelo kato lekas la kandelingon (Z); katino lekas la idojn; la hundoj lekis la sangon de Nabot (X); ili lekos polvon, kiel serpento (Z); leki al si la fingrojn; la infano lekas bombonon (B); potlekisto (Z); telerlekisto (parazito); lektrinki (X).

(f) Humile, profitame flati: oni lekas la manon, sed celas la panon (Z); ili lekas la botpurigiston, ke li ilin protektu ĉe lia eminenta moŝto (Z); la polvon de viaj piedoj ili lekos (Z).

(f) Tre zorge doni la finan formon: leki siajn versojn; tro lekita pentraĵo.
poluri.

lekado
Ago de tiu, kiu lekas.

lekaĵo
Frandaĵo sur ligna stangeto aŭ en formo de stangeto destinita por lekado.
bombono, glaciaĵo.

forleki
Forigi la tutan kvanton per lekado: (f) la fajro konsumis la bruloferon, kaj la akvon, kiu estis en la foso, ĝi forlekis (X).

piĉleki (ntr)
(fm) Frandzi.