grifelo

*grifel/o

1. Antikva skribilo, bastoneto, de kiu unu fino, pinta, servis por marki literojn sur vaksumita tabelo, kaj la alia plata, por ilin forstreki.

2. Ardezkrajono: la grifelo saltadis sur sia ŝnureto tien kaj reen (Z).

3. Pinta ŝtala ileto, oblikve tranĉita ĉe unu el siaj ekstremaĵoj, kiun gravuristo uzas por desegni sur metalplaton: ili skribadis sur oraj tabeloj per diamantaj grifeloj (Z); (analoge) alia hakas lignon, mezuras ĝin per ŝnuro, faras konturojn per grifelo (X).
   cizelilo, ĉizilo.