ganto

Vestpeco, kiu kovras la manon: surmeti, surŝovi gantojn; gantoj el ledo, silko, lano, punto; (f) ĵeti la ganton al iu (B) (defii al batalo); (f) delevi la ganton (akcepti la defion).

Samforma objekto, destinita al diversaj uzoj: kaŭĉuka ganto de dommastrino, de kirurgo; leda ganto de pilkludanto, de boksisto.

ganti (tr)
Surmeti ganton al iu; provizi per ganto.

gantisto
Tiu, kiu elfaras aŭ vendas gantojn.

sengantigi
Deŝovi de iu la gantojn.

duonganto
Speco de ganto, kovranta la manon nur ĝis la dua falango de la fingroj.

boksganto
Leda remburita ganto.

ferganto
Ledganto kovrita per ferlamenoj, parto de la mezepoka armaĵo.

fornoganto
Remburita tuko aŭ ganto por teni varmajn kuirilojn.

mufganto, pugnoganto
Varmotena ganto, kun unu sola aparta tubo por la dika fingro.