diplomo

Oficiala dokumento, atestanta rajton, privilegion aŭ rangan titolon: pergamena, papirusa diplomo; diplomo pri nobeligo.
breveto, ĉarto.

Skribita aŭ presita atesto, donita de lernejo, universitato ks, ke la ricevinto sukcese plenumis ekzamenon k rajtas porti iun titolon: diplomo pri licencio, pri doktoreco; la somera kunveno servas por disdono de diplomoj (Z); tiam la ekzamenito ricevas 'diplomon E-an de la unua grado' (Z).

diplomi (tr)
Aljuĝi diplomon: diplomi kandidaton; diplomita instruisto de E.

diplomisto
Specialisto pri diplomologio.

diplomologio
Scienco pri la malnovaj diplomoj el paleografia, formulara, historia ktp vidpunktoj.