2. ĉe la objekta komplemento de ag- aŭ stat-substantivo, por eviti la konfuzon kun la agantsignifa 'de': havi rajton je ion; aspiro, kalkulo, klopodado, soifado, sufero de iu je io; ĉion ĉi tion elpensis la historioskribantoj pro mokado je la foririntaj generacioj (Z); nekredo je Dio (Z);

3. ĉe adjekto de horo: je la tria matene (Z) (sed: en la mateno, ĉe la sunleviĝo);

4. ĉe adjekto, esprimanta la tenatan korpoparton: ŝi eltiris je la kornaro nordan cervon (Z); mi prenos vin je la mano (je via...; Kp: per la mano = per mia...); ŝi eksentis, ke oni tenis ŝin je la brako (Z); konduki iun je la nazon; (analoge) ŝi ekfrapis per la fingroj je la fenestro (Z); ŝi ekfrotis la alumetojn je la muro (Z); la ŝiprompiĝulo tenas sin je tabulo (Z);

5. ĉe mezur-adjekto, kiam la mezursuplemento estas plurvorta: vi estas certe je duono da kapo pli alta ol mi (Z); mi estas je unu jaro pli juna, kaj tamen je kiom mi estas pli saĝa ol vi (Z); ŝi retiriĝis je kelke da paŝoj (Z); ili estas malproksimaj unu de la alia je tritaga vojaĝo; ĝi restis je granda distanco malantaŭen (Z); ĉu la ombro iru antaŭen je dek gradoj? (X); (analoge) je la unua fojo ŝi sentis larmojn (Z);

6. ĉe diversaj objektoj aŭ adjektoj, malfacile klaseblaj: mi ne kredas je Dio (Z); kredi je la senmorteco de l' animo (Z), je la fantomoj; la reĝo vetis kun li je ses berberaj ĉevaloj (Z); malpaciĝinte kun sia edzino, li eksedziĝis je ŝi (Z); malsaniĝi je lepro; gravediĝi je ĝemeloj; li prenas ĉion je la kalkulo kaj eĉ unu kopekon ne volas pagi (Z); la pozon duonkuŝan ŝi ŝanĝis je pozo sida (Z); mia popolo ŝanĝis sian gloron je idoloj (X); ties karnon mi disŝiros je pecetoj (Z); junuloj ofte suferas je absoluta manko de singardo (Z).
   al, pri, disde, pro.

Komuna prepozicio, kies senco estas nedifinita kaj kiun oni povas uzi, kiam la senco ne montras klare, kia prepozicio konvenas. Oni tamen uzu ĝin kiel eble plej malofte.

Esprimoj:

 mia vivo estas plena je zorgoj
 malsana je la brusto^Z
 kapabla je ĉio^Z
 mi esperas, ke nia trupo estas sufiĉe libera je tiuj mankoj^Z
 mi ne estas inda je tiu honoro
 riĉa je brutoj^Z
 avida je gloro
 graveda je filo.
 li kulpigis sian kamaradon je tiu friponaĵo
 bone estas se vi tenos vin je unu afero
 la ŝiprompiĝulo tenas sin je tabulo^Z
 la reĝo vetis kun li je ses berberaj ĉevaloj ^Z
 estas bone konsenti je tiu ĉi provo^Z
 ĉu vi ne kompatas je maljuna servisto? mi ne kalkulis je tiu malhelpo
 ili troviĝas senigitaj je ĉio kara al si
 kredi je Dio
 jen je kio mi persistas
 malpacinte kun sia edzino, li eksedziĝis je ŝi^Z
 koniĝinte je tiu nobla homo, mi tuj amikiĝis je li^Z
 la avo mortis je ia nekomprenebla malsano
 la libristo estis okupita je enskribado de ciferoj kaj notoj en grandan libron^Z
 malsaniĝi je la lepro
 konsisti je, ludi je, atenti je, kompari je kontentiĝi je^Z, sininteresi je^Z
 partopreni je^Z
 mi ridas je lia naiveco^Z
 la pozon duonkuŝan ŝi ŝanĝis je pozo sida^Z.
 havi rajton je io^Z
 la akcepto je la kongresanoj okazis en la universitatejo
 dum atendo je la pramo ili promenis.
 je la tria (horo)
 je l' mateno
 je la lasta fojo
 je kioma horo foriras la vagonaro? la abono finiĝas je la fino de julio
 muro alta je kvin metroj
 vi estas certe je duono da kapo pli alta ol mi^Z
 mi estas je unu jaro pli juna ol vi^Z
 la kanalo havas longon je 10 kilometroj
 preni iun per la mano, je la kolo
 je unu vespero la alilandulo sidis sur sia balkono^Z
 ŝi retiriĝis je kelke da paŝoj^Z
 je kiu prezo vi havas ĉambron? ili ne volis aĉeti je kredito
 la unuaj neĝflokoj dense falas teren je (kun) grandega ĝojo de la junularo
 junuloj ofte suferas je (pro) absoluta manko de singardo^Z
 Ezopo vestiĝis je (per) sako
 li disŝiris la vestojn je pecoj (en pecojn)
 li ekdormis je eterne^Z.

Iel rilatitaj: