gipso

*gips/o

  1. Blanka pulvoro, ricevita per parta senakvigo de gipsoŝtono sub varmoago (150-200°C), kaj uzata en diversaj industrioj pro ĝia eco formi, se miksite kun akvo, solidan, neduran mason, kiu poste hardiĝas: Pariza gipso (fajna gipso, uzata por muldi, bandaĝi ktp); statueto el gipso [VIDU] gipsobandaĝo, gipsbildo.
  1. = gipsmineralo.
  • gipsa
    Konsistanta el gipso: rompitaj gipsaj figuroj (Z); gipsaj kopioj de malbone kreskintaj membroj (Z).
  • gipsi (tr)
    [ARKITEKTURO] ŝmiri per gipso, ordinare miksita kun aliaj substancoj: gipsi plafonon, kamenon (B).
    kalki, stuki.
  • gipsaĵo
    ĉia objekto el gipso.
  • gipseca
    Havanta la aspekton de gipso.
  • gipsisto
    1. Laboristo, kiu pretigas gipson.
    1. ŝmiristo de gipso.
  • gipsmineralo, gipsoŝtono
    [GEOLOGIO] Mineralo, monoklina kalcia dihidrata sulfato, CaSO4.2H2O. SIN. gipso 2.
  • engipsigi
    Meti (rompitan membron) en gipson.

    gipsx

    Iel rilatitaj:

    alabastrx bandaĝx ŝtonx