rifo

Kresto el roko, ŝtonetoj aŭ sablo, kies supro ĝuste aŭ preskaŭ atingas la surfacon de la maro: la ventego ĵetis ŝipojn sur la mortodonajn rifojn (Z); mia ŝipo rompiĝis sur rifoj (Z); etendiĝis sablorifoj sub la akvo (Z); la skombraj sablorifoj (Z).
ŝero, benko.

(f) Danĝerigilo, risko de malsukceso: ni ne devas ignori la rifojn, kiujn ni renkontos sur nia vojo.

rifa
Prezentanta rifojn: rifa maro; senhoma bordo de rifa kaj sovaĝa insuleto (Z).

koralrifo
Rifo, konsistanta el kalkoskeletoj de koraluloj kaj de aliaj vivuloj kun kalkoŝeloj.