pozitiva

pozitiv/a (1)

1. Esprimanta aŭ koncernanta jeson, akcepton, permeson: pozitiva respondo; pozitiva voĉo (ĉe baloto); pozitiva propozicio (en gramatiko, logiko); ni povas respondi tiun ĉi demandon tute pozitive (Z); la loko de mia konstanta loĝado ne estas ankoraŭ pozitive decidita (Z).

2. Reala, praktike efektiviĝanta: tio estas almenaŭ pozitivaj rezultoj; senreligieco donas al la homo neniun pozitivan apogon (Z); fari pozitivan kritikon al la projekto (Z) (t.e. proponi plibonigojn); pozitivaj pruvoj de senkulpeco; kredo, kiu prezentus efektivan kaj pozitivan ligilon inter ĉiuj (homoj) (Z).

3. Bazita nur sur faktoj esploritaj per eksperimentado: pozitivaj sciencoj; la pozitiva filozofio.

4. [SCIENCOJ] Montranta la ĉeeston de priserĉata elemento aŭ efiko: pozitiva reakcio, testo; seropozitiva (je iu mikrobo), HIV-pozitiva (seropozitiva je HIV).

5. [MATEMATIKO] (pp nombro) Pli granda ol nulo (— 0): pozitiva funkcio (kies valoroj ĉiuj estas pozitivaj); pozitiva dulineara formo (simetria dulineara formo b kun la eco, ke b(x,x) estas pozitiva por ĉiuj x — 0).

6. [FIZIKO] Apartenanta al la speco de elektro, produktata per interfrotado de vitro kaj silkopeco: pozitiva poluso de pilo; korpo estas pozitive elektrita, se ĝi suferis perdon de elektronoj.
   negativa.

7. [FIZIKO] (pp poluso de magneto) Strebanta al nordo.

8. [ASTRONOMIO] (pp paluso de Tero) Norda.

9. [FOTOGRAFIO] Karakterizanta bildon, kies nigraĵoj kaj blankaĵoj resp. respondas al tiuj de la reproduktita bildo.