ponto

*pont/o

  1. Konstruaĵo, ebliganta transiron super rivero, fosaĵo, alia vojo ks: ligna (Z), fera ponto; la arkadoj de ŝtona ponto; azendorsa ponto; baskulponto, turnoponto, radponto, liftoponto estas moviĝpontoj; super ĝi estis konstruita nova ponto (Z); grandaj araneoj devis ŝpini de unu arbo al alia longajn pendantajn pontojn (Z); (f) la afero ne staras sur pinto de ponto (Z) (ne urĝas); bruligi post si la pontojn (malebligi al si ĉian ŝanĝon de decido. [VIDU] karto, kubo, transpasi); fari al iu oran ponton (proponi grandan profiton, por ke li entreprenu iun negocon); ponto de l' azenoj (io malfacila nur por la nesciantoj).
    piliero, kapo, planko.
  1. [ŜIPOJ] Platformo, meze de la ŝipo aŭ de la pobo, de kiu la oficiroj komandas. SIN. komandejo.
  1. [MUZIKO] En klaviceno, piano kaj kordinstrumentoj, peco de malmola ligno, kiu limigas la vibrantan parton de la kordoj kaj transdonas ties vibrojn al la sontabulo.
  1. a) [ELEKTRO] Fadeno, kiu kunligas du punktojn de elektra cirkvito kaj faras derivon.
    dratjunto.

b) [ELEKTRO] Elektra instrumento aŭ cirkvito por mezuri la rezistancon, induktancon, kapaciton ktp de mezurobjektoj helpe de komparo kun normigitaj objektoj laŭ la nulmetodo: ponto de Wheatstone; pontocirkvito.
  1. [KEMIO] Ligo per elektraj fortoj de unu atomo inter du aliaj atomoj: hidrogena ponto.
    ligo 3.
  1. [ANATOMIO] (pons) Ringoforma elstaraĵo, komunikejo inter bulbo, cerebelo kaj cerebraj pedunkloj. SIN. metencefalo.
  1. [TEKSINDUSTRIO] Tiu parto de malnovmoda aŭ uniforma pantalono, kiu formas refaldeblan klapon, kaj kiun anstataŭas nuntempe la fendo.
  1. (f) Interkomunikilo: ni deziras krei ligantan ponton inter la gentoj (Z); E. estas ponto trans ĉiuj lingvaj limoj; tiu procedo prezentos ponton de transiro (Z).
  • kantilevra ponto
    Ponto, formita el memsubtenantaj elstaraj brakoj, konstruitaj inter du pilieroj aŭ abutmentoj kaj renkontiĝantaj en mezo de spano, kie ili estas kunligitaj.
  • ponteto
    1. Tre mallarĝa ponto, rezervita al piedirantoj.
    1. Provizora ponto inter ŝipo ĉeborda kaj la bordo aŭ kajo.
    1. [TEKNIKOJ] Metala arko, staranta ĉirkaŭ la ellasilo de pafilo kaj ŝirmanta ĝin.
    1. = ponto 3: sonis ne nur la kordoj de la violono, sed ankaŭ la ponteto (Z).
  • pontisto
    Specialisto en la konstruado de pontoj.
  • superponti, transponti (tr)
    Meti ponton super io: superponti kanalon; transponti fendegon; (f) transponti (venki) malfacilaĵon, malhelpaĵon.
  • transporta ponto
    Senplanka ponto, en kiu la transiro okazas pere de pendigita naveda platformo.
  • aerponto
    Komunikado per aviadiloj super zono, en kiu ĝi estas malfacila aŭ neebla per ter- aŭ mar-vojo.
  • arkoponto
    Ponto, kies planko estas subtenata de arkaĵo.
  • flosponto
    [ŜIPOJ] Ponto sur rivero aŭ markolo, kies plankon subportas pontonoj aŭ boatoj, eĉ bareloj. [VIDU] pontono.
  • fostoponto
    Ponto, kies planko baziĝas sur fostoj.
  • latisponto
    Metala ponto el latisoj.
  • levponto (Z)
    [HISTORIO] Ponto, kiu povas leviĝi super fosaĵo, antaŭ kastelo.
  • mezurponto
    Ponto 4b.
  • moviĝponto
    Ponto, kies planko povas moviĝi, por pligrandigi la dimensiojn de la superpontita vojo.
  • pendoponto
    Ponto, kies planko estas tenata per drategoj pendantaj de metalaj kabloj streĉitaj de unu ekstremo al la alia.
  • rulponto
    Pontforma levaparato, ruliĝanta sur du paralelaj reloj.
    vinĉo.
  • stajponto
    Ponto, kies planko estas tenata per stajoj fiksitaj al piliero.
  • ŝnurponto
    Primitiva pendo el ŝnuregoj kaj tabuloj.
  • valponto
    Viadukto.Ponto 000yPont/o
    Antikva reĝolando sude de la Nigra Maro (39°E, 41°N).
  • Pont-Eŭkseno
    Antikva nomo de la Nigra Maro.
  • Pont/o
    Antikva reĝolando sude de la Nigra Maro (39°E, 41°N).
  • Pont-Eŭkseno
    Antikva nomo de la Nigra Maro.

    ponto


    Esprimoj

    Al malamiko en kuro faru ponton kun plezuro.
    Azendorsa ponto.
    Esperanto estas ponto trans ĉiuj lingvaj limoj.
    Fari al iu oran ponton.
    Hungarlando estas ponto inter oriento kaj okcidento.
    Ili okupis la ponton per plena surprizo.
    Multa akvo defluos, ĝis tiam sub la pontoj (pasos longa tempo ĝis.).
    Ni deziras krei ligantan ponton inter la gentoj
    Pasi unuope sur la ponteto.
    Tiu procedo prezentos ponton de transiro.
    Ŝi serĉis ponton (transiron, pretekston) al pli intima konversacio.

    Kelkaj kunmetaĵoj

    aerponto,arkoponto,flosponto,fostoponto,kantilevra ponto,latisponto,levponto,mezurponto,moviĝponto,pendoponto,ponteto,pontferdeko,pontimposto,pontisto,pontkapo,pontlingvo,ponto,rulponto,stajponto,superponti,transponti,transporta ponto,valponto,ŝnurponto

    Vortoj uzitaj en la sama kunteksto


    abutmento
    aerponto
    akvedukto (akvoponto)
    arkaĵo
    dratjunto (ponto)
    fendego
    flugferdeko
    interpasilo
    kanalo
    kapo
    komandejo (ponto)
    konstruo
    metencefalo
    parapeto
    piliero
    planklataĵo
    planko
    pontimposto
    pontokapo
    pontolingvo
    pontono (flosponto)
    pontoplanko
    provizora
    rivero
    tunelo
    viadukto (valponto)
    vinĉo (rulponto)
    violono-ponteto
    ŝtona, fera, ligna, turniĝanta

    Ankaŭ vidu:

    pasi. rivero. trafiko. urbo. vojo.

    Eble rilatitaj:

    abutmentx, aerx, konstrux, landx, lingvx, tra, vagonx, veturx,