naĝi

*naĝ/i (ntr)

  1. (pp animalo) Translokiĝi sur aŭ en la akvo per movoj de membroj aŭ de korpoparto: kankroj naĝas retroe; per la piedoj kaj per unu brako li penis naĝi antaŭen (Z); naĝi malproksimen sur la maro (Z); naĝi sur la brusto, flanko, dorso, tra rivero, kun la tajdo, kontraŭ la fluo, unu mejlon; li naĝas kiel ŝtono; fiŝo granda naĝas profunde (Z) (pf: por grandaj malfeliĉoj, grandaj rimedoj).
  1. (io) Flosi: lago kovrita per naĝantaj folioj (Z); ĉirkaŭe naĝis montoj da glacio (Z); sovaĝaj anasoj peze kaj dormeme naĝis sur la akvo (Z); kadavroj naĝis en la rivero; (analoge) la nuboj, kiuj naĝis super ĝi matene kaj vespere (Z); (f) en liaj okuloj kvazaŭ naĝis feliĉaj rememoroj kaj antaŭsentoj. (Z).
    flugi, ŝvebi.
  1. (f) Troviĝi en ia likvo pli-malpli abunda: la mortigito naĝis en sia sango; makaronioj naĝantaj en varma butero; la supo kun la revene naĝantaj buletoj (Z); (f) naĝi en riĉaĵoj (Z), en plena feliĉo.
  • naĝo
    Ago de tiu, kiu naĝas: fiŝo scias pri naĝo ankaŭ sen via saĝo (Z); subakva naĝo.
  • naĝa
    Rilata al naĝo: la naĝa aparato de polpo.
  • naĝadi
    Longe aŭ kutime naĝi: ŝi naĝadis renkonte al la vikingo, kiam lia boato estis alproksimiĝinta (Z); kiam ili povis supozi, ke rompiĝos ŝipoj, ili naĝadis antaŭ la ŝipoj kaj kantadis (Z).
  • naĝado
    1. Longa aŭ kutima naĝo.
    1. Arto, maniero, kiel oni naĝas.
      kraŭlo.
  • naĝarto (Z)
    Naĝado 2.
  • naĝejo
    Loko, pretigita por naĝado en parko, urbo k.a.
  • naĝilo
    1. [ZOOLOGIO] Membro de fiŝo, uzata kiel puŝilo kaj direktilo dum naĝado.
    1. [ZOOLOGIO] Dorsa aŭ anusa kilo de fiŝoj, subtenata de ostaj radioj.
    1. [SPORTO] Kaŭĉukaj duonŝuoj kun larĝa surfaco, por helpi al subakva naĝado.
  • naĝisto
    Homo, kiu praktikadas la naĝan sporton: li estis bona naĝisto (Z); batalnaĝisto.
  • alnaĝi (tr)
    Atingi, naĝante: alnaĝi la kontraŭan bordon de rivero; tien ĉi alnaĝis la virineto (Z); la fiŝo alnaĝadis al la vitraj muroj (Z); (f) per la fadeno de rememoroj alnaĝis al ŝi la bela vizaĝo de la patrino (Z).
  • elnaĝi
    Eliĝi, naĝante: siaj fratinoj elnaĝis el la internaĵo de la maro (Z); nur lia kapo elnaĝis plu; (f) multe elnaĝis en ĝia memoro (Z).
  • fornaĝi
    Foriĝi, naĝante: la ligna ŝuo fornaĝis (Z); tiam ŝi fornaĝis kaj kaŝis sin post kelkaj altaj ŝtonoj (Z); (f) antaŭaj kutimoj kaj sentoj fornaĝis en neatingeblan malproksimon (Z).
  • subnaĝi
    Subiĝi, naĝante: ŝi subnaĝis profunde en la akvon (Z).
  • suprennaĝi
    Veni supren, naĝante: (per miraklo) la hakilo suprennaĝis (X); ofte la kvin fratinoj suprennaĝadis en unu linio super la akvon (Z).
  • surnaĝi
    Resti sur la supraĵo de akvo: laŭ la specifa pezo unu korpo surnaĝas, ŝvebas aŭ subiĝas.
  • tranaĝi, transnaĝi (tr)
    Trairi, transiri, naĝante: la hund' kun granda pec' vianda riveron estis tranaĝanta (K); Bajrono tranaĝis Dardanelojn; nek transnaĝeble, nek transireble (Z).

    naĝi


    Al fiŝo ne instruu naĝarton.flosi.lago.naĝilo.naĝobarelo.
    akvo. likvo. maro. sporto.

    Bildvortaro


    96-01 -7 : ondonaĝejo, hala naĝejo; subtegmentita naĝejo
    96-01 : artefarita ondigo
    96-02 : naĝeja rando; basenrando
    96-03 : bangardisto; naĝomastro
    96-04 : kuŝoseĝo
    96-05 : naĝoringo
    96-06 : naĝoflugiloj; braknaĝiloj
    96-07 : naĝoĉapo
    96-08 -13 : subtegmenta naĝejo
    96-08 : naĝbaseno
    96-09 : naĝanto
    96-10 : oficejo de naĝomastro
    96-11 : enirejo al duŝejoj kaj vestejoj
    96-12 , 13 : vestejoj
    96-12 : vestoŝranko
    96-13 : sekura ŝranko por valoraĵoj
    97-01 : naĝbasena aranĝo; basenpejzaĝo; pejzaĝnaĝejo
    97-02 : naĝbaseno
    97-03 : naĝantino
    97-04 : naĝmatraco
    97-05 : giganta naĝringo
    97-06 : arta insuleto; artefarita pejzaĝo
    97-07 : fontano
    97-08 : art(efarit)aj plantoj
    97-09 : subĉiela naĝejo; subĉiela baseno
    97-10 : akvofalo
    97-11 : akvofungo; duŝfungo
    97-12 : tobogano; glitejego; sidglitejo
    97-13 : naturistejo; naturista banejo; nudista naĝejo
    97-14 : naturistino; nudistino
    97-15 : kaŝbarilo; kontraŭobserva barilo
    97-16 : infanbaseno
    97-17 : pirata ŝipo
    97-18 : grimporeto
    97-19 : naĝkuseno
    97-20 : kirlakva kanalo
    97-21 : akvokanono
    97-22 : naĝpneŭo; naĝringo
    97-23 : bebobaseno, vadbaseno
    97-24 : tobogano; sidglitejo; akvoglitejo
    97-25 : akvoŝpruciga serpento
    97-26 : akvoludilo
    97-27 : akvopilko
    97-28 : termobanejo; termobana areo
    97-29 : arta groto
    97-30 : termobaseno
    97-31 : bobelbaseno (kirlobaseno)
    97-32 : ripozloko; ripozejo; ripozareo
    97-33 : termobanejaj gastoj; termobaniĝantoj
    97-34 : banmantelo
    97-35 : ajurveda* traktado
    97-36 : masaĝoleo
    97-37 : oleoujo; oleŭjo
    98-01 -29 : subĉiela naĝejo
    98-01 : kuŝherbejo; kuŝejo
    98-02 : sunbanejo; sunuma herbejo
    98-03 -9 : plonĝinstalaĵo
    98-03 : turplonĝisto
    98-04 : plonĝoturo
    98-05 : dekmetra platformo
    98-06 : kvinmetra platformo
    98-07 : trimetra plonĝtabulo
    98-08 : unumetra plonĝtabulo
    98-09 : plonĝbaseno
    98-10 : rektkorpa kapsalto
    98-11 : rektkorpa salto
    98-12 : naĝgardisto
    98-13 -17 : naĝinstruado
    98-13 : naĝinstruisto
    98-14 : naĝlernanto
    98-15 : pneŭmata naĝkuseno
    98-16 : naĝtabulo
    98-17 : korka naĝzono
    98-18 : baseno por nenaĝantoj; neprofunda baseno
    98-19 : forflukanaleto; kanaleto por piedlavado
    98-20 : naĝbaseno; profunda baseno
    98-21 -29 : stafetonaĝado
    98-21 : tempomezuristo
    98-22 : celjuĝisto; celkontrolisto; celobservanto
    98-23 : turnojuĝisto; turnokontrolisto
    98-24 : startosoklo
    98-25 : celtuŝo de naĝkonkursanto
    98-26 : startosalto
    98-27 : startigisto
    98-28 : naĝokoridoro
    98-29 : kunkorkflosila limindiko; koridorlimŝnuro; korkoŝnuro
    98-30 -34 : naĝmanieroj; naĝospecoj
    98-30 : brustonaĝado
    98-31 : papilinaĝado
    98-32 : dorsonaĝado
    98-33 : flankonaĝado; rampnaĝado; kraŭlo
    98-34 : subakva naĝado; subakviĝo
    98-35 -40 : tursaltado; plonĝado de rigida platformo (simile: de elasta platformo por tiel nomata arta plonĝado)
    98-35 : kapsalto el staro
    98-36 : inversa kapsalto; aŭerbaĥ-salto
    98-37 : duobla inversa mortosalto
    98-38 : ŝraŭbo kun alkuro, plenturna kapsalto antaŭen
    98-39 : borilo, duonturna kapsalto antaŭen
    98-40 : mortosalto el manstaro
    98-41 -45 : akvopilkado
    98-41 : golejo
    98-42 : golisto; golulo
    98-43 : akvopilko
    98-44 : defendanto; arierulo
    98-45 : atakanto; avanulo

    Iel rilatitaj:

    akantiasx akantopterigx akvx apendikularix artx aŭkx banx basenx fiŝx irx kilx lagx likvx marx sportx veturx