melki

Elpremi la lakton el la mamoj de bruto: melki kaprinon, kamelinon; melku bovon senfine, li lakton ne donos (Z); melki virkapron (Z) (provi neeblaĵon); (analoge) melki la venenon el serpento (por farmaciaj uzoj); (fm) ambaŭmane ŝi melkis blankulon kaj favulon (F) (ilin masturbis).

(f) Ekspluate akiri, eltiri profiton: li sukcesis melki monon el la grupo; senfine melkebla bovino (Z) (pp persono aŭ entrepreno).

melkado
Ago de tiu, kiu melkas: la melkado estas farata dufoje en la tago.

melkist (in)o
Homo kiu zorgas pri melkado.

melkomaŝino
Aparato, por aŭtomate kaj asepse melki.