aŭdi

  • Percepti sonojn: teraj vertebruloj aŭdas per oreloj, fiŝoj k senvertebruloj per aliaj organoj; aŭdi bone, malbone; mi estas kiel surdulo k ne aŭdas (X); orelojn ili (la idoloj) havas, sed ne aŭdas (X).
  • Percepti per la oreloj ion, kion la menso analizas, rekonas ks: aŭdi pafon (Z), ektondron, ĝemon (B); sed mi aŭdas iun: ĉu ĝi ne estas mia edzino? (Z); ŝi aŭdis la nomojn de siaj karaj k parencoj en akompano de tiu beno, kiun oni uzas por mortintoj (Z); tamen mi aŭdis en Holando kantadon ankoraŭ multe pli bonan (Z); ĉu vi aŭdas la birdojn kanti?; ĉu oni jam aŭdis ion tian?; bojas hundido, kiel ĝi aŭdas de hundoj (Z); viro, kies sola nomo, aŭdata plezure de malriĉuloj, la tiranojn paliĝas (Z).
  • Atenti, rimarki ion diritan: aŭdi predikon, operon, meson; aŭdu, mi promesas al vi, ke [...] (Z); vi aŭdis, kiel ŝi nin traktas? (Z); ne aŭdu vian sklavon malbenanta vin! (X).
    aŭskulti.
  • Sciiĝi per onidiro: mi kore ekĝojis, kiam mi aŭdis (Z) (pri la edziĝo); mi, kiu rakontas la historion, aŭdis ĝin de la paseroj (Z); oni aŭdas belajn aferojn pri vi!; mi neniam antaŭe aŭdis pri ĝi (Z); mi aŭdis pri vi, ke la spirito de la dioj estas en vi (X); li aŭdis ĉion, kiel agas liaj filoj, k ke ili kuŝas kun la virinoj (X); (f) mi nenion aŭdis de li (ne ricevis leteron de li).
  • [Biblio] Elaŭdi.
  • aŭdo
    Sonpercepto: unu vido pli taŭgas, ol dek aŭdoj (Z).
  • aŭda
    Rilata al aŭdado: la aŭda sento, organo; aŭda tubo; aŭdaj ostetoj.
  • aŭdado
    La senso, per kiu ni perceptas sonojn: se la tuta korpo estus okulo, kie estus la aŭdado? (N); la kvin sentoj estas la aŭdado, [...] (Z); lia aŭdado estas iom difekta. SIN. aŭdsenso.
  • aŭdanto
    Tiu, kiu aŭdas: tiel li parolis k la aŭdantoj miris; parolanto semas, aŭdanto rikoltas (Z).
  • aŭdebla
    Perceptebla per la aŭdsenso: la tonoj fariĝis neaŭdeblaj pro la vento (Z); laŭte kaj bone aŭdeble li anoncis [...] (Z).
  • aŭdigi
    Fari, ke io estu aŭdata: li ne povis aŭdigi sian voĉon pro la tumulto; nun la viva najtingalo devas ion aŭdigi (Z); la tondro aŭdigadis brue frapon post frapo (Z).
  • aŭdilo
    Aparato, transformanta la elektran kurenton en sonondojn, aŭdeblajn nur kontakte kun (aŭ tute proksime al) la orelo: kapaŭdilo. SIN. aŭskultilo 1.
    aŭdparolilo; laŭtparolilo.
  • disaŭdigi
    Per senfadena telefonio aŭdigi novaĵojn, muzikon ks al la uzantoj de radioricevilo: disaŭdigi teatraĵon, la ceremoniojn de la kronado; regula disaŭdigado de radio-programoj; la malfermo de la E-a kongreso estos disaŭdigata de la nacia sendostacio.
  • elaŭdi
    Atenti ies peton k ĝin plenumi: k Dio elaŭdis ŝin k malŝlosis ŝian uteron (X).
  • misaŭdi
    Erare aŭdi ion, kio ne estis dirita: li misaŭdis mian respondon k kredis sin insultita.
  • neaŭdita
    Ankoraŭ ne aŭdita, ĉar eksterordinara.
  • (ne)aŭdebla
    Tia, ke ĝin oni (ne) povas aŭdi.
  • aŭdometro
    [medicino] Aparato por mezuri la aŭdan akrecon.
  • aŭdparolilo
    Vd paroli.
  • aŭdovida
    (pp pedagogia procedo) Tia, ke ĝi kombinas aŭdajn k vidajn rimedojn.

    Esprimoj

    Havi muzikan orelon.
    Krii per la tuta gorĝo.
    Streĉi la orelon.
    Surda kiel puto.
    Surda kiel trunko.

    Kelkaj kunmetaĵoj

    (ne)aŭdebla, aŭda, aŭda tubo, aŭdado, aŭdanto, aŭde, aŭdebla, aŭdfrekvenco, aŭdi, aŭdigi, aŭdilo, aŭdkapablo aŭdo, aŭdometro, aŭdovida, aŭdparolilo, aŭdsenso, disaŭdigi, elaŭdi, misaŭdi, neaŭdita

    Vortoj uzitaj en la sama kunteksto

    esti sonsenta
    laŭta
    obtuza
    senvoĉa
    surda
    diri senpere
    diskrete
    laŭdire
    laŭfame
    percepti klare
    buŝe
    malbone aŭdi

    apartigi
    atenti pri
    aŭskulti
    aŭskultprovi
    aŭskultumi
    bruegi
    brui
    distingi
    ekzameni
    esplori
    fakuli
    flustri
    grinci
    kapabli
    klaki
    knari
    kompreni
    konsenti
    kraki
    lerti
    malkonfuzigi
    obei
    oreldiri
    paroli
    prezentprovi
    priatenti
    sekreti
    sensi
    silenti
    soni
    sonori
    subaŭskulti
    tinti
    ŝajnignori
    akrigi la orelon
    klini la orelon
    tranĉi la orelojn

    akra orelo
    akustika korneto
    alarmilo
    aŭditorio
    aŭskultantaro
    dialogo
    eĥo
    fajfilego
    fonetiko
    fonografo
    gramofono
    megafono
    mikrofono
    muĝilo
    nuanco
    obtuza bruo
    orelkonko
    orelo
    percepto
    prezentprovo
    sireno
    sordino
    telefono
    voĉtubo

    Ankaŭ vidu:

    paroli.

    Eble rilatitaj:

    agnozix, -ant, bildx, blekx, demandx, tranĉx,