Diserigitaj Tekstoj

Nombro da dokumentoj : 501.
Nombro da radikoj : 15978.
Nombro da vortoj en la korpuso : 18042822.
Nombro da kunmetaĵoj : 366924 ( 175198 : sen la gramatikaj finaĵoj : a, e, i, j, o, u, aj, oj, n, an, en, jn, on, ajn, ojn, as, is, os, us,).

Laŭ tiuj informoj, oni povas, kun tiuj radikoj, krei dekoble pli da vortoj. Oni trovas ilin en du formoj, kiuj povas esti substantivaj, adjektivaj, adverbaj, pluralaj, verbaj. En nacia lingvo, oni eĉ povas trovi tute malsimilajn formojn de la vorto, kiam en Esperanto oni devas nur memori unu formo.

Ofteco-listo

vidu oftecoj (csv) aŭ oftecoj (ods)..

La unua kolumno enhavas la nomon de la radiko; la dua - la nombron da dokumentoj en kiuj ĝi aperas; la tria - la totalan nombron da aperoj; la kvara - la relativan gravecon de la radiko. La kvara kolumno permesas iom mildigi la influon de longaj rakontoj. Por decidi ĉu radiko estas esenca aŭ ne, unue konsideru la duan kolumnon. Vi facile povas ordigi kolumnojn alimaniere, aŭ fari aliajn analizojn.
Se vi povas uzi calc de Libreoffice, vi povas iri al oftecoj (ods). Tie vi povos KONTROL-alklaki sur radiko por iri al Reta PIV. Vi devos aldoni gramatikan finaĵon.

Vi rimarkos ke radikoj kiel etern- aperas relative ofte, ĉar la korpuso entenas "la Biblio" de Zamenhof, kiu prenas grandan parton en la korpuso. "Faraon" ankaŭ aperas ofte, pro la romano de Pruś : "La Faraono" (3 volumoj).

Diserigitaj Tekstoj
kaj ceteraj dokumentoj

La listo ne entenas ĉiujn librojn, kiuj estis pritraktitaj. La mankantaj libroj ne estas prezenteblaj por esti montritaj, aŭ mi ne havas permeson montri ilin.

Baza radikaro

Por konstrui la plej bonan liston de radikoj, kiuj devus aparteni al la baza radikaro de Esperanto, valoras legi Baza radikaro de Esperanto - instru- kaj komunikcele de Josef Dörr (ISBN: 3-939517-08-09 978-3-939517-08-05) p. 10-12. Se mi obtenas la permeson, mi metos tiujn paĝojn surrete.

Kiom da radikoj oni devas lerni por kompreni artikolon el Monato ?

653 radikoj kovras 90% de la korpuso, 1350 kovras 95%, kaj 3813 - 99%.
Bedaŭrinde, la kvanto da informo en tiu lasta elcento estas multe pli granda ol tiu de la pli oftaj morfemoj. Tial, sen tiu elcento, oni foje ne povas kompreni la ĉefan punkton de la artikolo, eĉ se la cetero estas komprenebla.
Vi povas kontroli tion, legante Nivelo 90%, Nivelo 95%, Nivelo 99%, kaj kompari kun la originalo.
(La komparo ne estas tute ebla, ĉar oni povas ofte diveni la signifon de vorto pro la kunteksto, se oni vidas la aktualan vorton anstataŭ xxx.)

Ĉu gramatikaĵoj estas necesaj ?

Lingvoj kiel la ĉhina ne uzas gramatikaĵojn kiel -a -e -i -o -u -j -n -as -is -os -us. Ĉu eblas forigi ilin? Ĉu teksto sen tiuj gramatikaĵoj estas komprenebla? Por bone taksi la valoron de tiuj finaĵoj legu tion.. Observu la tempon kiun vi bezonis por kompreni. Povas eĉ okazi ke tiuj finaĵoj senambiguas frazon.

Pliaj dokumentoj

La radikoj, kiuj estas plej ofte uzitaj en kunmetaĵoj, troviĝas jene.

Vortludoj: la plimultaj vortludoj estas facile kompreneblaj de homo, sed ne de komputilo. Fakte, komputilo malkovras amason da plursignifaj vortoj; mi ne konservis ĉiujn.

Mi atendas viajn korektojn je Remuŝ .