La 11-an de februaro forpasis Umberto Broccatelli,
honora membro de UEA.
Li
eklernis Esperanton en 1947, kaj tuj ekaktivis en la movado,
estante unu el la refondintoj de Bolonja E-Grupo kaj ĝia secretario dum
kelkaj jaroj; samjare li aliĝis al Internacia E-Ligo, kiu tuj poste
kunfandiĝis kun UEA.
Li kunorganizis la nacian kongreson en Bolonjo en
1952 kaj la 40-an UK samurbe en 1955.
En 1980 li estis elektita al la
Nacia Konsilio de Itala Esperanto-Federacio; li restis konsiliano de
IEF ĝis 2005 kaj plurfoje, ĝis 1999, membris en ĝia estraro.
De 1989
ĝis 2002 li redaktis la organon de IEF,
l’espéranto.
Li
iniciatis la aliĝon de IEF al la Itala Konsilio de la Eŭropa Movado, en
kies gvida komitato li poste reprezentis IEF.
En 1999 li reaktivigis
Eŭropan Esperanto-Union, kiun li prezidis, ankaŭ redaktante ĝian
informilon Eŭropa
Bulteno, de 1999 ĝis 2004, kiam li iĝis honora
prezidanto.
Pro lia daŭra kaj senlaca aktivado en la Esperanto-movado, la Komitato de UEA lin nomis honora membro en 2006, dum la UK en Florenco.
Lia laboro por Esperanto ne limiĝis al
organizaj demandoj. Li aŭtoris la vortarojn Vocabolario
Esperanto-Italiano (1984)
kaj Dizionario
Italiano-Esperanto, Esperanto-Italiano (2004) kaj la lernolibron Nuovo
Corso di Esperanto, per
allievi e autodidatti
(1993).
Li verkis multajn artikolojn pri
lingvaj demandoj de Esperanto, (tiu estas la temo de lia broŝuro Esperanto, lingvo
planebla (1996))
kaj pri Eŭropaj aferoj.
Li ankaŭ prizorgis la E-eldonon de gazeto La
partio Nova de Transnacia
Radikala Partio.
Li estis aktiva ankaŭ en esperantigo de italaj
verkoj;
al la Itala
Antologio
(1987) li kontribuis per traduko de italaj poemoj. Kaj la honorigo ne
haltigis lin: lia lasta verko estas traduko de fame konata itala libro
por infanoj, La ĵurnaleto de Joĉjo Tempesto, aperinta en 2009.
EŬROPA HIMNO
Teksto de Umberto Broccatelli.| Kantu
kune
amikaro, ni la ĝojon festas nur, nek rivero nek montaro plu landlimoj estas nun. Ho Eŭropo, hejmo nia, tro daŭradis la divid'. Nun brilegu belo via, ĉiu estas via id'. Via flago kunfratigas homojn post milita temp', via leĝo nun kunigas civitanojn en konsent'. |
De
l'
Malnova
Kontinento ĵus ekstaris la popol'; gvidas ĝin tre nova sento kaj kuniga forta vol'. Sub la ŝildo de la juro ni vivados en konkord'. Tio estas nia ĵuro: unu land' kaj unu sort'. Jen ekzemplo por la mondo, jen direkto, jen la voj': tuthomara granda rondo en la paco, en la ĝoj'! |
Post
iom
pli
longa
paŭzo
kunsidis
en
Bruselo
kompleta
estraro
de
EEU
la
13-an
de
februaro
(en
la
hejmo
de
la
prezidanto)
kun
ampleksa tagordo.
Ĉeestis ankaŭ Maja Tišljar kaj Jozefo Reinvart. La kunsido daŭris la
tutan tagon kaj ĉiuj esprimis kontenton pro tre efika kaj ideoriĉa
kunsido.
Post la raportoj de Maja pri la ĝisnuna laboro kaj Flory pri la financoj oni konstatis ke la agado estas kontentiga kaj la financoj ebligas funkciadon ĝis julio kaj tial la estraro decidis daŭrigi la preparojn de la planata Hamburga konferenco kaj laŭeble rapida renovigo de la retpaĝaro kiu fuŝiĝis ŝajne pro pirata atako.
Pro longa interkonsentado kun EAB pri komuna kongreso de Britoj kaj EEU kaj intertempa decido de UEA organizi UK-on en 2012 en Vjetnamio, la estraro decidis organizi la sekvan EEU-kongreson en Galivo (Galway) en la jaro 2012 kaj ne en 2011 kiel ni planis antaŭe.
La estraro akceptis la raporton de Z.Tišljar pri la agado en 2009 kiun ni aperigas ankaŭ en ĉi tiu bulteno.
Longe
ni diskutis pri la celoj kiujn havu EEU en la Eŭropa Parlamento
en tiu
ĉi mandato, speciale post kiam nia delegitaro estis akceptita de la
prezidanto Buzek . Ĉu ni celu starigon de interparlamenta grupo Geremek
kiu agu por egalrajta lingvopraktiko aŭ por postuli de la parlamento
akcepti leĝon kiu ebligu sciencan esploron pri Esperanto… Ni ne
akceptis iun definitivan decidon pri tio.
Ni ankaŭ okupiĝis longe pri la plano por landaj asocioj. Ni akceptis la decidon subteni aperigon de greka lernolibro por uzi ĝin sur Kipro kaj donaci al la nova Komisionanino pri lernejoj, kulturo kaj multlingvismo.
Fine ni pridiskutis la laborplanon por 2010 (kiun ni
ankaŭ apudmetas) kaj aparte la planon por la hamburga konferenco en
2011.
Ordigante malnovajn paperojn mi retrovis funebran bildon de mia kuzo Willy De Coster (16.05.1925-09.02.1945 Weimar-Buchenwald).
Decembre
de 2009 mi ricevis la taskon de UEA esplori eblecojn de ŝtata subtena
opinio pri la ideo: venonta jardeko estu dediĉita al la esploro
kaj
solvado de lingvaj problemoj de Eŭropo kaj de la mondo. De Renato
Corsetti mi ricevis ekzemplajn leterojn kaj instruon, kion mi devos
fari paŝo post paŝo. Mi promesis komenci la aferon nur novembre pro multaj
aliaj urĝaj taskoj.
La 26-an de novembro 2009 ni povis aranĝi viziton ĉe Pola Komitato de UNESCO, kie mi kun Roman Dobrzynski interparolis dum pli ol unu horo kun Ĝenerala Vicsekretario de Pola Komitato Aleksandra Wacławczyk. Ŝi konis la temon, eĉ rimarkis pri konateco de Barbara Despiney el Parizo, kiel kunlaborantino de la Ĝenerala Oficejo de UNESCO en Parizo.
Ni lasis skriban postulon pri la projekto kaj la funkciulino de UNESCO atentigis nin, ke ni, neregistaraj organizoj kiel PEA, UEA, EEU – nenion rajtas postuli al la „interregistaraj institucioj kiel UNESCO, UNO, Konsilio de Eŭropo, kaj ke niaj petoj devas ricevi antaŭe pozitivajn opiniojn de pola registaro, kiu povas esti proponanto de interkonsentoj kun UNESCO. Tiamaniere ni estis devigitaj konvinki du ministeriojn por ke ili donu favorajn opiniojn al nia propono.
La tuta afero estis aranĝita:
La 14-an de januaro 2010 ni – Halina Komar kun Roman Dobrzynski, estis gastoj en Ministerio de Eksterlandaj Aferoj, Departamento de Unuiĝintaj Aferoj kaj Homaj Rajtoj. Invitis nin Dariusz Karnowski, kiu interalie prilaboras ŝtatajn opiniojn pri ĝeneralaj problemoj diskutataj ĉe UN. Dum nia interparolo mi demandis lin, ĉu ni aldonu al nia letero ankaŭ argumentan frazon pri diskriminado de granda esperantista sociaro per malpermeso uzi la E-lingvon kiel laboran en ekz. konkursoj de EU-projektoj por monpetoj. La respondo estis: ni devas atenti pri la uzado en niaj leteroj de agresemaj vortoj – tio estus malsekura, kaj povus eĉ ŝanĝi opinion pri niaj petoj aŭ postuloj. Iu malbone uzita vorto povus nuligi interesiĝon pri la temo dela letero, do pli bone forlasi ĝin ol riski neglekton de la tuta letero. Fine ni ricevis promeson de lia bonvola helpo pri la aranĝado de la tuta afero.
La 15-an de januaro 2010 mi estis invitita al Ministerio de Kulturo kaj Nacia Heredaĵo.
En Departamento de Kunlaboro kun Eksterlando mi transdonis nian peton al Joanna Cicha – Kuczynska, konsilantino de la Ministro. Ŝi ankaŭ promesis aranĝi kaj transdoni la ŝtatan opinion al PK de UNESCO kaj PEA, kaj al mia demando, ĉu interesus ŝin la invito al iu nia simpozio aŭ konferenco pri kulturaj temoj, tre volonte respondis pri preteco atingi seriozan rezulton. Do ni memoru, ke ni povas havi favoran gaston en niaj aranĝoj ekz. dum Ekonomia Forumo aŭ dum alia konferenco.
Tiel ni finis la taskon el la pola flanko, sed nun UEA kaj EEU devas instigi kaj plirapidigi aliajn Landajn Asociojn, por ke ili faru la samon, kaj tuj - ĉar estas ankaŭ aliaj proponoj por la venonta jardeko, do ni devas agi amase, por havi la ŝancon, ke nia temo venku.
Demandu, kiu en via lando decidas pri la politiko rilate al Unesko, kaj ĉu la delegitaro, kiu reprezentos vian landon en la Ĝenerala Asembleo de 2011, aŭ la konstantaj reprezentantoj ĉe Unesko, povus kunsubskribi tiun proponon al la Ĝenerala Asembleo.
Deklaru al ili ke via landa asocio ege subtenas la eblecon, ke la delegitaro de via lando kunsubskribu tiun proponon, kaj trovu ĉiujn eblajn politikajn apogojn en via lando por premi al la Ministerio [Tio tre verŝajne estos bezonata].
- Esperanto-Asocioj interesiĝas pri la Jardeko, ĉar ili ankaŭ per Esperanto subtenas multingvecon kaj multkulturecon. Esperanto ne celas anstataŭigi la ekzistantajn lingvojn, sed ŝirmi ilin kontraŭ la danĝeroj de malapero, pri kio ankoraŭfoje ni havas komunan intereson kun Unesko.
Se vi havas demandojn pri apartaj punktoj de la tuta procedo, bonvolu demandi la prezidanton de UEA, Probal Dasgupta, aŭ la vicprezidanton, Claude Nourmont.
Propono pri deklaro
fare de la Ĝenerala Asembleo de
Unesko de
Jardeko
de Lingvoj 2012- 2022
Konsiderante inter la premisoj de la deklaro la jenajn, kiuj estas ankoraŭ komplete validaj:
Konsiderante krome ke UNESKO estis la Agentejo kunordiganta la Internacian Jaron de lingvoj,
Universala Esperanto-Asocio proponas ke la Ĝenerala Asembleo de Unesko deklaru Internacian Jardekon de Lingvoj, kun la samaj celoj de la Internacia Jaro de Lingvoj deklarita por la jaro 2008-a de la Ĝenerala Asembleo de Unuiĝintaj Nacioj.
Ĝi estu rekte kunordigata de la kompetenta sektoro de Unesko, kiu jam kunordigis la agadojn por la jaro 2008.
La lanĉota jardeko estas nur logika sekvo de ĉiuj decidoj de antaŭaj Ĝeneralaj Asembleoj, kies realigo estos aparte atentata dum la jardeko:
Fakte
la internacia komunumo jam alprenis tutan serion de interkonsentoj,
kiuj rilatas al protektado kaj antaŭenigado de lingvoj kaj Unesko ĉiam
estis la pivota punkto de ĉi tiu movado, ĉar ĝi daŭre instigis la
membro-ŝtatojn alpreni kaj plenumi la devojn rilate al politikoj kaj
agadoj favorantaj la kulturan diversecon kaj multlingvecon je la
niveloj internacia, regiona, loka, indiĝena. Ni memorigu nur la ĉefajn
interkonsentojn, je kiuj la jardeko provos revizii la atingojn kaj la
mankojn:
Ni restas je dispono por la praktika redaktado de la propono kaj por la interkonsetoj rilate al la prezentado.
Kiel
vi
supozeble
jam
legis,
la
venonta
kongreso
de
Espéranto-France
okazos
samtempe
kaj
samloke
kiel
la
kongreso
de
Germana
Esperanto-Asocio
de
la
21a
ĝis
la 24a de majo en Kaiserslautern (Germanio).
La abonantoj de Okazas/ Le Monde de l'Espéranto ricevis la aliĝilon kun la revuo. Sed plej simple, vi povas rete aliĝi je la jena adreso : http://esperanto-france.org/kaiserslautern2010
La urbo Kaiserslautern estas facile atingebla. Bonaj trajnaj konektoj.
La kongresejo estas en la koro de Kaiserslautern en agrabla ĉirkaŭaĵo (piedira zono). Multaj restoracioj, kafejoj, terasoj apude. Hoteloj ne tre for.
Al la tradiciaj kaj statute devigaj kunvenoj aldoniĝos prelegoj, forumoj, diskutrondoj…Okazos distraj vesperoj kun artistoj el Germanio kaj Francio, kaj verŝajne ankaŭ el aliaj landoj. Denove okazos movada foiro en la komenca vespero. Funkcios libroservoj. Okazos ankaŭ kunsidoj de Asembleo de Eŭropa Esperanto-Unio.
Oficiala fino de la kongreso estos lunde (24-05-2010) per solena fermo post la tagmanĝo. Post ĝi okazos ekskurso posttagmeze kaj tuttaga ekskurso dum mardo (25-05-2010). Detaloj sekvos.
La loĝadon transprenos la turisma servo de la urbo. Ni rekomendos al vi ĝustatempe favorprezajn eblojn. Same sekvos informoj pri antaŭmendendaj komunaj manĝoj kaj ekskursoj.
Ne hezitu tuj aliĝi!
Komisiito de UFE pri la landa kongreso
Inter ili estas parlamentanoj bone konataj en Britujo. Jen iliaj nomoj kaj iliaj partioj:
Civitana societo e-lingvo el Ĉeĥio enretigis tre interesan kaj komplete kongruan kun la celaro de EEU retpaĝaron e-lingvo kun la subtitolo: Eŭropo sen lingvaj barieroj. Ĝi havas tekstojn en pluraj lingvoj inter kiuj la ĉeĥa kaj Esperanto.
http://www.elingvo.eu/eo/pago/?eo/
Alia similtipa paĝaro estas tiu de brita grupo Esperanto-Lobby. Ŝajne ke tiu grupo estas merita ke la 8 britaj parlamentantoj proponis UEA denove por Nobel-pacpremio.
http://esperantolobby.wordpress.com/
Ekde oktobro 2008 Antanas GRINCEVICIUS, esperantisto el la litovia ĉefurbo Vilnius, iniciatis tiel nomatan "blogon" pri interesaj kaj aktualaj eventoj en Litovio. Esperanto-temoj tie ankaŭ ne estas fremdaj. Efektive, tiu "blogo" estas altnivela retgazeto pri Litovio kun la titolo "Barelo". legebla ĉe http://barelo.blogspot.com/.
“Barelo” estas imitinda ekzemplo de praktika utiligo de Esperanto. Ŝajnas, ke ĝi estas unika en la mondo. Apenaŭ ekzistas io simila en aliaj landoj. La retgazeto estas profesie farita. Ĉiu artikolo (blogero) estas bele kaj trafe ilustrita. En la retgazeto eblas legi interesajn kaj aktualajn artikolojn pri historio, kulturo, naturo, arto, ekologio, ekonomiko, politiko, energetiko, festoj, folkloro, fotografio, lingvo, literaturo, muziko, scienco, sporto k.s. de Litovio - entute estas 51 ŝlosilvortoj, el ili 5 estas Esperanto-rilataj. Ĉiuj artikoloj estas verkitaj de la aŭtoro en bona Esperanto. Estas bona ekvilibro de diversaj temoj. Do, la retgazeto ne estas pri Esperanto, sed simile kiel la revuoj "Monato" au "Kontakto" -- pri diversaj temoj en Esperanto. Ekde la lanĉo de la retgazeto la 10-an de oktobro 2008 ĝis hodiau (la 18an de februaro 2010 ) en ĝi estas publikigitaj 84 artikoloj, el ili 12 estas ligitaj kun Esperanto. La retgazeto havas ligojn al aliaj retejoj pri fotoj, tradukado, lingvaj problemoj, diversaj TTT-ejoj, esperantistoj, literaturo, tekstoj, gazetaro, E-radioj k.s. La retgazeto meritas multe pli da atento ol ĝi havis ĝis nun, ĉar pro la modesteco de la aŭtoro ĝi ne estis sufiĉe reklamita. La slogano de la retgazeto estas: "Por eldiri la opinion ne serĉu barelon sur bazara placo...".
La retadreso de la redaktoro de
“Barelo”: .
La kotizpagado ĉi-jare okazis kontentige. Tamen mankis la pagoj de jenaj landoj: Litovio, Latvio, Estonio, Portugalio, Grekio, Slovakio, ne kalkulante Rumanion kaj Bulgarion kiuj ankoraŭ ne oficiale aliĝis al EEU.
La jaro estis komenco
de kriza periodo. Niaj esperoj ke EU plufinancos nin ĉu el la
rimedoj
dediĉitaj al funkciado de tuteŭropaj asocioj (por kio ni ricevis
subvencion en 2008), ĉu por iu el la de ni planataj gravaj konferencoj
(kiel ni ricevis en 2007), sed bedaŭrinde malgraŭ maksimumaj klopodoj
ĉiuj niaj projektoj estis malakceptitaj. Ni esperis ricevi subtenon
ekde 2010. Maja kaj mi ellaboris tri grandegajn projektojn: unu por
regula financado por tri sekvaj jaroj kie ni planis treege detalan
laborprogramon por la jaroj 2010-11 kaj 12 kaj du projektojn pri
agadoj unujaraj (komuna kunlaboro de 15 landaj asocioj prezentantaj la
plej bonajn praktikojn de kelkaj el ili kaj projekto organizi
konferencon de EEU dum la kongreso germanfranca en Kaiserslautern pri
eŭropaj valoroj kaj simboloj). Maja ankaŭ finfaris ampleksan raporton
pri la agado en 2008 por Eŭropa Komisiono, Aktiva Civitaneco kadre de
la kontrakto pri financado. Flory faris kune kun Maja la financan
raporton. La raporto estis pozitive taksita de EU kaj tial ni ricevis
la duan parton de la subvencio por la jaro 2008. Krome ni ellaboris
projekton organizi eŭropan konferencon en Hamburgo pri la
temo »Kia
estus Eŭropo nuntempe, se EU neniam estus fondita?« por la jaro
2011.
Peton por tiu konferenco ni transdonos al la fondaĵo Aktiva Civitaneco
en februaro 2010 kaj ni ankoraŭ esperas sukcesi pri tio en 2010.
Tiusence okazis intensa kunlaboro kun la Hamburga E-societo, kiu
decidis subteni la ideon kaj disponigi 5000 eŭrojn por la
preparlaboroj. 
Ni unue diskutis pri tio en
Herzberg kaj poste
subskribis kontrakton pri tio. La projekto estis pli detale preparita
por esti prezentota al la prezidanto de Eŭropa Parlamento, Jerzy Buzek
kun la peto ke li iĝu aŭspicianto. Sekve ni havis malbonan financan
jaron en kiu ni ricevis nur la kotizojn de la Landaj Asocioj,
malgrandan kontribuon de kotizoj de la kongreso en Herzberg kaj
nesignifajn donacojn de kelkaj unuopaj esperantistoj escepte de Myoŝi
Etsuo, kiu ankaŭ ĉi-jare donacis 1000 eŭrojn. Ni estas ankaŭ
seniluziigitaj pri preteco de eŭropaj esperantistoj helpi finance la
agadon de EEU. Ni aperigis alvokon por helpi nian laboron kaj unu
profesiulon, sed al tio reagis neniu. Ŝajnas ke esperantistoj ne ŝatas
subteni seriozan laboron en kiu nia asocio prezentiĝas neamatore en la
diversaj organoj kaj organizoj de EU. Malgraŭ tio ni
sukcesis reteni
en tre minimuma formo la profesian laboron de Maja Tišljar (kiu pretis
fari sian laboron kontraŭ minimume permesitaj pagoj per kiuj eblas
formale esti registrita kiel salajrata persono en Germanio). Tio
gravis, ĉar la kondiĉo por ricevi konstantan financadon estas ke la
asocio jam havas almenaŭ unu profesiulon. Bedaŭrinde tio apenaŭ estas
ebla en la sekva jaro. Etaj esperoj ekzistas, se ni sukcesos konvinki
aliajn fondaĵojn en Germanio subteni la konferencon en Hamburgo kaj
individuajn espeantistojn helpi per kontribuoj. Pro la financa situacio
ni devis rezigni pri la propra buroo ekde julio 2009.
Malgraŭ tio ni atingis ege gravan sukceson dank al la profesia laboro kaj daŭra dujara partopreno de niaj reprezentantoj en diversaj internaj komisionoj de EU por aktiva civitaneco (vidu aldonitan raporton de Maja Tišljar).
Eŭropa Komisiono planas plibonigi la lingvan situacion en la senco de sia politiko pri multlingvismo kaj tial ĝi starigis eŭropan platformon por multlingvismo kiu prezentos la ĉefan konsultan korpon de la Komisiono pri la multlingvismo en nova strukturo de la Komisiono, kiu ne plu havas komisionanon por multlingvismo. Estas nia granda sukceso ke inter tridek eŭropnivelaj asocioj inter kiuj estas ege grandaj kaj influaj asocioj kiet Asocio de eŭropaj televidoj, Eŭropa asocio de institucioj edukantaj plenkreskulojn EAEA ktp troviĝas ankaŭ EEU, akceptita de Eŭropa Komisiono.
Ni ege esperas ke nia membraro komprenos tion kaj helpos niajn reprezentantojn en la Platformo Sean O Riain kaj Maja Tišljar aktivante en esploroj kaj kontaktadoj kiujn ili de tempo al tempo petos de nia membraro. Montrante nian seriozan kapablon kunlabori en tiu senco konstrue, ni povos altigi nian pozicion kaj foje denove ricevi subvenciojn.
Krome ni realigis ĉiujn plej gravajn punktojn de nia laborplano por 2009 kio inkluzivas:
Prizorgado de la retpaĝaro pri kio zorgis Peter Balaž kvankam iom malpli, ĉar la paĝaro devas esti urĝe komplete renovigita. Ni planis tion fari en 2009 sed pro monmanko tio ne eblis.
Redaktorino Vesna Obradović prizorgis regule la elektronikan version de Eŭropa Bulteno, kiu legeblas ĉe nia retpaĝaro www.europo.eu kaj ĉe www.gazetejo.org. Ĉi-jare aperis 8 numeroj (kvar duoblaj). Okaze de apero de ĉiu numero ni informis pri tio aron da internaciaj kaj naciaj retlistoj.
- Ni serioze ekpreparis la Hamburgan konferencon kaj agas je ĝia serioza starto. Margareta Handzlik aranĝis kunvenon kun la prezidanto de EP Jerzy Buzek kiu okazos komence de 2010 kaj kiun oni petos por esti aŭspicianto. Ni kolektas adresarojn kaj proponojn por prelegantoj en la konferenco.
Ni distribuis helpe de Margareta Handzlik al ĉiuj EU-parlamentanoj en septembro leteron en iliaj naciaj lingvoj kun la demando pri lingva stato en EU informante ilin pri raporto Grin kaj pensigante ilin pri la troa angligo de EU. Ni kunlaboris kun Etsuo Miyoshi pri plia aperigo de granda anonco en le Monde okaze de la Eŭropa Lingva Tago, kiu aperis du-foje.
Ljudmila Novak, deputitino de Slovenio en EP stimulita de EEU prezentis proponon pri Esperanto en la Komisiono por Kulturo de la Eŭropa Parlamento kaj organizis elektronikan subtenon al ĝi. Subtenis ĝin pli ol 5000 homoj kun plurcento da pozitivaj reagoj. Tamen en la Komisiono oni forĵetis la proponon sen lasi diskuti pri ĝi.
Granda eŭropa organizaĵo de neregistaraj organizoj antaŭ la novaj balotoj por Eŭropa Parlamento en junio prezentis la eblon elektronike proponi temojn kiujn la novaj parlamentanoj devus konsideri en sia laboro. Inter amaso da temoj en ĉiu el la landaj paĝaroj en kiuj eblis proponi kaj voĉdoni (krom en 5) estis ankaŭ propono pripensi la uzon de Esperanto en EU. Interese ke en pli ol duono de eŭropuniaj ŝtatoj unuan lokon sub edukado havis proponoj pri Esperanto. Tamen, fie, la organizantoj poste nenie menciis tion. (Analizo de tiu voĉdonado troveblas en Eŭropa Bulteno).
EEU-estraro
partoprenis en la konsultadoj pri la strategio de EU por la jardeko
2010-2020 al kiu invitis prezidanto de Eŭropa Komisiono Barroso. La
estraro akceptis deklaron kaj proponojn kiujn eblas legi en la EB kaj
kiuj estis inter la 1500 proponoj de diversaj institucioj kaj
individuoj transdonitaj al la Eŭropa Komisiono.
En
la
jaro
la
plej
grava
evento
estis okazigo de la 8-a kongreso de EEU en
Herzberg am Harz en Germanio, en Esperanto-Urbo. Ĝi okazis de la 28-a
de majo ĝis la 2-a de junio 2009. Ĝi estis organizita kiel komuna
kongreso de EEU kaj de GEA. Organizis ĝin Germana E-Asocio kaj
Internacia centro Herzberg. Partoprenis entute 400 personoj el dudektri
landoj. Dum la kongreso ni okazigis unu fermitan kaj unu malferman
kunvenon de la Asembleo de EEU en kiu ni fintraktis la raportojn por
2008 kaj akceptis planojn por 2009 kaj decidis ke la sekva EEU kongreso
okazos en Galway en Irlando en 2011 aŭ 2012. La asembleo ankaŭ akceptis
starigi Komisionon por vigligo de la laboro kaj kunlaboro de landaj
Asocioj kiun fine oni konstituis en decembro post kiam ĉiuj
proponitoj akceptis esti membroj kaj taskigitoj. En la laboro de la
asembleo partoprenis delegitoj el 15 membrolandoj. Dum la kongreso EEU
organizis ankaŭ konferencon pri Esperanto kaj la Muro al Oriena Eŭropo,
dediĉita al 20 jaroj de la Falo de la Berlina Muro. Kadre de la
konferenco okazis du prelegoj: de Sean O Riain kaj de Georgo
Silfer.
Zlatko Tišljar prelegis pri Strategio
por
Esperanto
en
EU kaj Peter
Balaž pri Vikipedio kune kun
Nevelsteen. 
La prezidanto transdonis
solene la diplomon kaj medalon por honora membreco de EEU en la
jaro
2009 al la urbestro de Herzberg Gerhard Walter.
Ankaŭ la estraro havis du kunsidojn dum la kongreso kaj okazis aparta kunveno inter la estraro de EEU kaj la estraro de Hamburga E-Societo en kiu nia estraro proponis al Hamburganoj organizi en 2011 konferencon pri la temo "Kia estus la nuna Eŭropo se EU neniam estus fondita" en Hamburgo.
Bedaŭrinde, ĉi-jare la plano partopreni en Ekonomia Forumo en Krynica (Pollando), ne realiĝis pro kelkaj kaŭzoj sed la ĉefa estis manko de financoj.
Okaze de eŭropa lingva tago la 26-an de septembro la estraro invitis landajn asociojn festi ĝin per prelegoj kaj publikaj aranĝoj atentigante pri la UNESCO-jaro de Zamenhof. Tiusence plej elstaris la pagita anonco en Le Monde de Etsuo Myjoshi kaj la distribuo de leteroj al Eŭropaj parlamentanoj en iliaj naciaj lingvoj.
En tiu tago Zlatko Tišljar prezentis trafan prelegon pri Eŭropa identeco kun prezento de filmo "Eŭropo 2050" kun subtitoloj en la germana al sciencistoj pri sociologio dum eŭropa simpozio organizita de Univeritato Klagenfurt (Aŭstrio) pri Estonto de EU. Kelkaj landaj asocioj eluzis la okazon organizinte prelegojn kaj ekspoziciojn dediĉitajn al Zamenhof.
Dum
la
UK
en
Bjalistoko
la
prezidanto
de
EEU
Sean
O
Riain
prelegis
pri
la
agado
de
EEU
kaj
decidoj
de
la
kongreso
en Herzberg kaj estis organizita deĵorado dum la
Kongresa Foiro en kiu la kongresanoj povis informiĝi pri la agado de
EEU kaj pri la sekva kongreso en Galway.
EEU sukcese kunlaboris kun UEA kaj subtenis agadon de AVE kaj EDE raportante pri ilia agado en la Eŭropa Bulteno. Aparte menciindas la granda laboro de EDE (Eŭropo-Demokratio-Esperanto) kiu partoprenis en Eŭropaj balotoj en Francio kaj Germanio. Ili ricevis malmultan procenton sed tamen estis rimarkitaj de milionoj da voĉdonantoj en tiuj du landoj kaj ricevis tridekmil voĉojn. Tio havis gravan propagandan efikon por Esperanto en EU.
Kun UEA estis regulaj kontaktoj: okazis interŝanĝo de informoj (en Esperanto-revuo kaj nia Bulteno), aktiva kunlaboro pri la Jaro de Zamenhof, partopreno en UK, Malferma tago de UEA dediĉita al Ivo Lapenna kaj en lanĉo de solena Memorlibro dediĉita al Humphrey Tonkin.
Niaj reprezentantoj partoprenis en pluraj aranĝoj de landaj asocioj:
Z.Tišljar partoprenis en Jarkunveno de Dana E-Asocio la 24-25. aprilo kie li dufoje prelegis pri Zamenhof, en la Simpozio dediĉita al Istvan Szerdahely en Budapeŝto la 30-an de aŭgusto, en Verkista Renkontiĝo en Hraščina en Kroatio en oktobro.
Sean O Riain partoprenis en Eŭropa Lingva Tago dediĉita al Zamenhof la 25-an de septembro en Kopenhago kie li prelegis pri Zamenhof en pola Ambadadejo, en Galway (Irlando) kie li kunsidis kun estonta LKK de la 9-a kongreso de EEU, ....
Petro Balaž partoprenis dum Zamenhof-vespero en Bratislava, Slovakio, kaj havis intervjuon por la ŝtata tutlanda radio »Rádio Slovensko 1«. Li partoprenis en malferma tago de UEA en Rorterdamo kaj preparkunveno por renkontiĝo kun J. Buzek (Seán, Margareta, Jozef) en Bruselo. Bengt Nordlof partoprenis en Sveda E-kongreso. Flory Witdoeckt partoprenis ĉefe en fakaj kunsidoj en Bruselo: 20.01.2009 "EESC - European Economic and Social Committee (Eŭropa Ekonomia kaj Sociala Komitato), 09.02.2009 "Enquete sur la Situation socio-economique des AISBL", Enketo pri la socio-ekonomika stato de la IASPC, 26.03.2009 "Hunger as a political challenge" (Malsato kiel politika defio), 25.06.2009 "VAT update" (Ĝisdatigo de Imposto je aldonita valoro), 17.09.2009 "Les contrats fournisseurs des associations", (Kontraktoj de liverantoj al asocioj), 15.10.2009 "The new Directives VAT" (Novaj direktivoj pri AVI), 29.10.2009 "Obligations comptables des ASBL, AISBL et Fondations" (Kontistaj devigoj de ASPC, IASPC kaj Fondaĵoj), 25.11.2009 "Hosting Strategy and Development. BITC" (Gastigado-strategio kaj Disvolvado. BITC), 22.12.2009 "Trade associations and European Competition Law" (Komercaj Asocioj kaj konkurencaj Leĝoj).Al tiuj aldoniĝas multaj kunvenoj ĉe la "Alta Konsilio" en WTC en Bruselo. Ĉiam temis pri Eŭropaj Direktivoj laŭ kiuj oni devas adapti la belgajn leĝojn. La kunvenoj okazis en 2009: 30.01 - 26.03 - 25.05 - 04.06 - 25.06 - 27.08 - 22.09 - 22.10 - 19.11.
Georgo Handzlik reprezentis EEU en jenaj aranĝoj: UK en Bjalistoko; Ĉeĥa Esperanto Konferenco en Svitavy; GRUPE - Gliwice, Pollando; Arkones, Poznan, Pollando; Zamenhof-Tago, Pola Ambasado en Brazilio, Brazilo; Jarfina Kunfratiĝa Tagmanĝo de Taguatinga Esperanto-Klubo, Taguatinga, Brazilo; JES, Zakopane, Pollando.
La estraranoj partoprenis en aro da konferencoj kaj aranĝoj neesperantistaj kiuj rilatis al lingvaj demandoj.
Zlatko Tišljar partoprenis en la scienca simpozio de Klagenfurta universitato pri Estonto de Eŭropo la 26-an de septembro kaj enkadre de eŭropa projekto "Senioroj agantaj" en marto en Los Palatios en Hispanio kie li reklamis E-on kaj havis kurseton por la interesitaj partoprenantoj.
Sean O Riain partoprenis en pluraj konferencoj de EU kadre de EACEA kaj Multlingvisma Platformo kune kun Maja Tišljar (vidu apartan raporton) kaj en la konferenco pri tutviva lernado en Bruselo.
Hokan Lundberg partoprenis en registara konferenco en Svedio pri jura lingvo kaj en diskuto kun Orban pri multlingvismo kie li starigis kelkajn demandojn en oktobro.
Maja Tišljar partoprenis en aro da aranĝoj, pri kio vidu apartan raporton aldone.
Menciindas plie aparte grava nova fenomeno en Eŭropo kiun EEU stimulas, sed en kiu ĝi ne rekte partoprenas: ĉiam pli da Esperantaj institucioj ricevas monon de eŭropaj fondaĵoj por internaciaj kunlaboraj projektoj kadre de Grundtvig, Comenius, Culture kaj Aktiva Civitaneco fondaĵoj. En 2009 realiĝadis projektoj de lerneja kunlaboro a) inter lernejoj en Britujo, Hungario kaj Germanio, b) inter Portugalio, Italio kaj Bulgario
c) inter Bulgario, Italio, Britio, Francio, Litovio kaj Hispanio.
Realiĝis kunlaboro por edukado de plenkreskuloj (Esperanto 55+) inter Pollando, Germanio kaj Slovakio, kunlaboro kultura pri interŝanĝo de infanliteraturo retradukita per Esperanto inter Hindujo, Kroatio, Slovenio kaj Italio, kaj projekto »Slovak Online« de E@I pri instruado de la slovaka interrete, ricevita danke al E-kurso lernu.net.
Multaj informoj pri E-agado aperis en neesperantistaj medioj kaj ni ne kolektis precizajn indikojn sed sendube la plej gravaj ĉi-jare estis la kelkminuta BBC-informo pri la propedeŭtika eksperimento en Britujo kaj la aperigo de E-flago la 15-an de decembro en ĉefpaĝo de Googlo apud jam menciitaj anoncoj en Le Monde.
Finredaktita: 2010-03-16.
Redaktoro: Zlatko Tišljar
Teknika redaktoro: Raymond Gerard
Leterojn kaj komentojn sendu al EEU:
Rete: ztisljar@gmail.com
http://www.gazetejo.org